فوجس پَزِ بدلوٕنِس منظرنامَس منٛز پرٛٮ۪تھ صورتہِ حالَس سۭتۍ مُقابلہٕ کرنہٕ خٲطرٕ تیار روزُن: مرمو

صدر دروپدی مرموَن ووٚن زِ تیزی سان بدلَن وٲلِس جغرافیائی سیاسی صورتہِ حالَس منٛز چھِ مسلح فوجس کُنہِ تہِ صورتہِ حالَس سۭتۍ مُقابلہٕ کرنہٕ خٲطرٕ پوٗرٕ پٲٹھۍ تیار روزنٕچ ضروٗرت۔
محترمہ مرموَن کٔر برٛسوارِ دۄہ ڈیفنس سروسز سٹاف کالج، ویلنگٹن، تامِل ناڈو کٮ۪ن طالبہِ علِم افسرَن تہٕ اُستادَن خطاب ۔
اَتھ موقعَس پٮ۪ٹھ ووٚن صدرَن زِ مُلُک چھُ ترقی ہٕنٛزِ وَتہِ پٮ۪ٹھ تہٕ دنیا چھِ دفاع ہٮ۪تھ مُختٔلِف شعبَن منٛز سانہِ ترقی تسلیم کران۔ ہِنٛدُستان چُھ مُستقبِل کیٚن چلینجَن ہُنٛد مُقابلہٕ کرنہٕ خٲطرٕ مسلح فوج تَیار تھونہٕ خٲطرٕ مقٲمی بناونہٕ تہٕ خۄد انحصٲری کُن پکان۔ تٔمۍ ووٚن زِ ہندوستان چھُ اکھ بٔڑ دِفٲعی مینوفیکچرنگ مرکز پٲٹھۍ ترقی کران تہٕ چھُ اکھ بھروسہٕ مند دِفٲعی شراکت دار تہٕ اکھ بوٚڑ دِفٲعی برآمد کنندٕ بننٕچ وتہِ پٮ۪ٹھ۔ صدرَن ووٚن زِ تیزی سان بدلَن وٲلِس جغرافیائی سیاسی ماحولس منٛز چھِ اسہِ کُنہِ تہِ صورتہِ حالَس سۭتۍ مُقابلہٕ کرنہٕ خٲطرٕ پوٗرٕ پٲٹھۍ تیار روزنٕچ ضروٗرت۔ "اسہِ چھُنہٕ صرف پننٮ۪ن قومی مفاداتن ہُنٛد تحفظ کرُن۔