سرینگرَس منٛز منفی 7 ڈگری سیلسیس ریکارڈ کرنہٕ آمُت۔

وادی کٔشیٖرِ منٛز ونٛدٕکۍ بادشاہ 40 دۄہَن ہٕنٛز چِلا کلانَن چھِ پنُن سخت رویہ ظٲہِر کٔرِتھ لوٗکَن واریٛاہ پریشٲنی منٛز ترٛوومُت۔
ییٚلہِ زن لُکھ منجمد نقطہٕ کھۄتہٕ کم درجہٕ حرارت آسنہٕ کِنہِ پوٗرٕ رٲژ سرد ونٛدَس سۭتۍ لڑان چھِ، لوٗکَن چھُ صُبحٲے آبٕک ذخٲئرٕ تہٕ گَرَن منٛز لگاونہٕ آمٕتۍ نل منجمد گژھنہٕ کِنۍ آبٕچ شٔدیٖد کٔمی ہُنٛد
رٮ۪تہٕ کالہِ رازدٲنہِ سری نگرَس منٛز چھُ کم درجہ حرارت منفی 7.0 ڈگری سیلسیس رِکارڈ کرنہٕ آمُت، یُس پٔتمہِ رٲژ کم درجہ حرارت منفی 7.3 ڈگری سیلسیس رِکارڈ کرنہٕ آمُت اوس۔
وادی ہُنٛد اکھ مشہوٗر سیاحتی مُقام گلمرگَس منٛز چھُ کم درجہ حرارت منفی 6.0 ڈگری سیلسیس ریکارڈ کرنہٕ آمُت، یُس پٔتمہِ رٲژ منفی 6.6 ڈگری سیلسیس کم اوس۔
وادی ہُنٛد بیٛاکھ اکھ مشہوٗر سیاحتی مُقام پہلگامَس منٛز چھُ کم درجہ حرارت منفی 8.6 ڈگری سیلسیس ریکارڈ کرنہٕ آمُت، یُس پٔتمہِ رٲژ منفی 8.4 ڈگری سیلسیس کم اوس۔