ہایی کورٹَن کٔر 25 کتابَن پیٹھ پابٔنٛدی ہٕنٛدِس درخواستَس پٮ۪ٹھ نوٹس جٲری.
جموں و کشمیر تہٕ لداخ ہائی کورٹَن چھُ 25 کتابن پیٹھ پابٔنٛدی چیلنج کَرن واجنہِ ژورن عرضی پیٹھ محکمہٕ داخلہَس نوٹس جٲری کٔرمٕتۍ۔ تاہم، عدالتَن کوٚر اَتھ معاملَس منٛز دائر عوٲمی مفادٕچ قانونی چارہ جوئی (پی آیی ایل) پٮ۪ٹھ غور کرنہٕ نِش انکار۔
یہِ پی آیی ایل ٲس سی پی آیی (ایم) رہنُما محمد یوسف تاریگامی سٕنٛدِ دٔسۍ درٕج کٔرمٕژ، یُس عدالتَن قرار دِیُت زِ یہِ چھُنہٕ ‘عوٲمی مفادَس’ منٛز۔
چیف جسٹس ارون پلی، جسٹس رجنیش اوسوال، تہٕ جسٹس شہزاد عظیم پٮ۪ٹھ مشتمل ترٛےٚ رُکنی خصوٗصی بینچَن کٔر حکوٗمت کِس نوٹیفکیشنَس چیلنج کرنہٕ آمٕتۍ ژورَن درخواستَن پٮ۪ٹھ نوٹس جٲری یِمَن منٛز ‘غلط بیانی تہٕ علیحدگی پسندی پھٔہلاوٕن’ کِس الزامَس پٮ۪ٹھ 25 کتابہٕ ضبط کرنُک حکم اوس دِنہٕ آمُت۔