امیر کبیر سٕنزِ تعلیمہٕ چھِےٚ تمام مذہبَن ہٕنٛدٮ۪ن لوٗکَن خٲطرٕ انصاف، رحم دِل تہٕ احترامُک پیغام دِوان: میر واعظ۔

امیر کبیر میر سید علی ہمدانی سٕنزِ زندگی تہٕ خدماتس پیٹھ أکِس کانفرنسَس خطاب کٔرِتھ کٔر امیر کبیر میر سید علی ہمدانی سٕنزِ زندگی تہٕ خدماتس پیٹھ أکِس کانفرنسَس خطاب کٔرِتھ کٔر اَمہ عظیم صوفی، عٲلِم تہٕ سماجی مصلح سٕندِس اسلام، کلچرس تہٕ تہذیبس پیٹھ سرٛوٚن اثرات۔

میر واعظن ووٚن زِ شاہ ہمدانن واتنوو وادی کشمیرس منٛز حکمت، محبتہٕ تہٕ اخلاقیات سۭتۍ اسلامُک پیغام تہٕ تٲلیٖم، سمٲجی اصلاح تہٕ ہُنر تہٕ دستکٲری فروغ دِنہٕ ذٔریعہٕ اوٚن تٔمۍ لوکن ہٕنٛزِ فکری، اخلٲقی تہٕ اقتصٲدی زندگی منٛز انقلاب۔

تٔمۍ ووٚن زِ شاہ ہمدان اوس اکھ روحٲنی رہنما، سمٲجی مصلح تہٕ قوم ساز یٔمۍ سٕنٛز تعلیمہٕ چھِ پرٮ۪تھ دورَس خٲطرٕ رہنُما گاش آسان۔

شاہ ہمدان سٕنزِ مشہور تصنیف زخیرِ ملوک ہُند حوالہٕ دِتھ وون میرواعظن زِ تٔمِس چھُ اتھ حقیقتس پیٹھ فخر زِ تٔمۍ سٕنٛز پی ایچ ڈی تحقیق چھِ اتھ عظیم کامہِ پیٹھ مبنی۔ تٔمۍ دِیُت اتھ کتھہِ پیٹھ زور زِ یہِ چھُ نہ صرف حکمرانن بلکہ پرٮ۪تھ فردٕ سٕنٛدِ خٲطرٕ تہِ کٲم کران۔