کپواڑہ سڑک حٲدثَس منٛز 55 وُہُر پایدل پکن وول ازجان

شُمٲلی کٔشیٖرِ کِس کپواڑہ ضِلعہٕ کِس لنگِت علاقَس منٛز أکِس دِل پھُٹراوُن سڑک حٲدِثہٕ کِس نٔتیٖجس منٛز اکھ شخٕص ہلاک سپُد۔ ذٔرایعَو وون زِ کُپواڑہ کِس تُلاری لنگِٹ علاقَس منٛز آو أکِس پیدل پَکَن وٲلِس ٹِپرَس سۭتۍ ٹاس ییٚمہِ سۭتۍ سُہ شٔدیٖد زخمی گوٚو۔ تِمَو ووٚن زِ زخمی شخٕص آو فوری علاج خٲطرٕ جی ایم سی ہندواڑہ نِنہٕ، ییٚتہِ پٮ۪ٹھٕ سُہ شری مہاراجہ ہری سنگھ ہسپتال سرینگر ریفر آو کرنہٕ، ییٚتہِ سُہ زخمن ہُنٛد تاب نہ ورتٲوِتھ موٗد۔ مرن وٲلِس سٕنٛز شناخت چھِ 55 وُہُر علی محمد خان سٕنٛدِ ناوٕ سٕنٛدِ ناوٕ سٕتہِ کرنہٕ آمٕژ، یُس تُلاری لنگِٹُک روزَن وول عبدالصمد خان سُنٛد نیچو چھُ۔ أتھۍ دوران چھُ پولیسَن اَتھ سلسلَس منٛز مقدمہٕ درٕج کوٚرمُت تہٕ کٔرٕکھ کاروٲیی شُروٗع۔