سَرحَدن پٮ۪ٹھ ہائی الرٹ، فوجَن ہٕنٛز تعیناتی منٛز ہُریر، روبوٹک نگرٲنی نظام آو چالو کرنہٕ.

دراندازی ہٕنٛزِ کوٗشِش، شَکاوَر حرکتَن تہٕ لائن آف کنٹرولَس سۭتۍ موسمی حالاتَن ہٕنٛدِ پیش نظر چھِ فوجَن پنٕنۍ نگرٲنی تہٕ گشت کِس نظامَس مٔزیٖد جٔدیٖد بناونہٕ خٲطرٕ ‘روبوٹک ٹیکنالوجی’ مُستقل طور تعینات کٔرمٕژ۔ یِم خودکار روبوٹ چھِ نہ صرف فوجی اہلکارَن لاجسٹک مدد فراہم کران بلکہ چھِ وۄنۍ سرحدی نگرٲنی نظامُک اکھ لٲزمی حصہٕ بنیمٕتۍ۔ فوجی ذرایعو مُطٲبِق چھُ روبوٹک سسٹم اکھ مِشیٖن یُس جدید مصنوعی ذہانت سۭتۍ لیس چھُ تہٕ یہِ ہیکہِ مُشکِل پہاڑی علاقن، شیٖنہٕ وتن تہٕ کمزور علاقن منٛز انسٲنی رہنمٲئی بغٲر کٲم کٔرِتھ۔ یِم روبوٹ چھِ فوجین بھارٕ سامان، ہتھیار، کھیٛن تہٕ ضروٗری طبی سامان دور دراز چوکیوں تام واتناونَس منٛز مدد کران۔ ذٔرایعَو وون زِ ‘آپریشن سینڈور’ دوران کٔر أمۍ روبوٹک ٹیکنالوجی غیر معمولی کارکردٕگی ہُنٛد مظٲہرٕ۔ اتھ کاروٲیی منٛز، یُس لائن آف کنٹرول نزدیٖک حساس علاقن منٛز کرنہٕ آو.