آغا محمود سٕندِس حمایتس منزچھِ أسۍ متحد: عمرعبداللہ

جموں و کشمیرٕکۍ وزیر اعلیٰ عمر عبداللہ ہَن ووٚن زِ تٔمۍ سٕنٛز پارٹی ہُنٛد وۄمیدوار آغا سید محمود زیٖنہِ بڈگام سیٹہٕ واریاہ اکثریت سۭتۍ تہٕ کرِ اسمبلی منٛز لوکن ہٕنٛز نمٲیندگی ۔
تٔمۍ ووٚن یہِ تہِ زِ نیشنل کانفرنس کَرِ آغا محمودَس پوٗرٕ حمایت۔
وزیر اعلیٰ ہن کوٚر ژٔندٕروارِ دۄہ یَتہِ نامہ نگارن سۭتۍ کتھ کران یِمن خیالاتن ہُنٛد اِظہار۔
تٔمۍ ووٚن ‘سورے تنظیم چھِ آغا سید محمودَس سۭتۍ۔ أسۍ چھِ وۄمید کران زِ سُہ زیٖنہِ بٔڑۍ اکثریتہٕ سۭتۍ تہٕ اسمبلی منٛز کَرِ بڈگام کٮ۪ن لوٗکَن ہٕنٛز نُمٲینٛدٕگی۔’
تٔمۍ ووٚن زِ ڈاکٹر فاروق عبداللہ ہَن کٔر آغا صٲب سٕنٛدِس کاغذات نامزدگی پٮ۪ٹھ دستخط۔ تاہم، یہِ فٲصلہٕ اوس نہٕ أمۍ سُنٛد کُنی بلکہ اوس تنظیمہِ کٮ۪ن تمام سٲتھیَن سۭتۍ مشورٕ کرنہٕ پتہٕ کرنہٕ آمُت۔’
اَمہِ سیٹہِ خٲطرٕ امیدوار ہُنٛد اعلان کرنس منٛز ژیر گژھنَس مُتعلِق ووٚن عمر عبداللہ ہَن زِ اسہِ ٲس نہٕ کانٛہہ جلدی تہٕ نہ ٲس کانٛہہ پریشٲنی ۔ پارٹی ہٕنٛدیو باقٕے امیدوارو کٔر آز پنٕنۍ نامزدگی کاغذات دٲخل تہٕ أسۍ تہِ کٔر از پنٕنۍ کاغذات جمع۔