منتخب حکومتس پزِ نہٕ یہِ بہانہ استعمال کرُن زِ سۄ ہیکہِ نہٕ ریاستُک درجہ بحال گژھنس تام کٲم کٔرِتھ: منوج سنہا

جموں و کشمیرٕکۍ لیفٹیننٹ گورنر منوج سنہاہَن ووٚن زِ ریاستُک درجہ نہ بحال گژھُن ہیکہِ نہٕ کُنہِ تہِ منتخب حکومتہٕ طرفہٕ خراب کارکردٕگی ہٕنٛدِ جوازٕکۍ پٲٹھۍ استعمال کرنہٕ یِتھ، تِکیازِ یوٹی حکومتس نِش چھِ وُنکیٚس موجودٕ نظامَس تحت تمام اختیارات۔ یِم تبصرٕ کٔر تٔمۍ جموں و کشمیر یونین ٹیریٹری کہِ یوم تاسیس کِس موقعس پٮ۪ٹھ جُمعہ دۄہ ایس کے آئی سی سی یَس منٛز مُنعقد کرنہٕ آمٕژ أکِس تقریٖبَس خٕطاب کَران۔ منوج سنہاہَن ووٚن زِ ‘ریاستُک درجہٕ بحال کرُن چھُ اکھ آئینی تہٕ مرحلہ وار عمل۔ مرکٔزی وزیرِ داخلہ امیت شاہَن چھُ پارلیمنٹَس منٛز واضح پٲٹھۍ ووٚنمُت زِ گۄڈٕ حد بندی، پتہٕ اسمبلی اِنتِخاب، تہٕ اَمہِ پتہٕ یِیہِ ریاستٕچ بَحٲلی مُنٲسِب وقتَس پٮ۪ٹھ لاگوٗ کرنہٕ۔’تٔمۍ ووٚن ووٚن زِ کینٛہہ لوٗکَن چھُ اَتھ ترتیبَس سۭتۍ مسلہٕ، مگر ییٚلہِ اسمبلی اِنتِخابات گژھَن تیلہِ گژھِ یہِ واضح پٲٹھۍ یونین ٹیریٹری اسمبلی ہُنٛد اِنتِخاب۔ تَمِہ کِنۍ پزِ نہٕ کانٛہہ تہِ منتخب حکومتس یہِ اکہِ بہانہٕ پٲٹھۍ استعمال کرُن زِ سۄ ہیکہِ نہٕ توٚت تام انجام دِتھ یوٚت تام نہٕ ریاستُک درجہ بحال گژھِ۔