سنیل شرما سٕنٛزاسمبلی اجلاسَس دوران عوٲمی خدشاتو نِشہِ بچنَس پٮ۪ٹھ نیشنل کانفرنس حکوٗمتَس تنقید۔

جموں و کشمیرَس منٛز حزب اِختلافٕکۍ رہنُما سنیل شرماَن کٔر جٲری اسمبلی اجلاسَس دوران عوٲمی مسلہٕ پتھ کُن ترٛاونَس تہٕ پوٗرٕ پٲٹھۍ تیٲری ہُنٛد مُظٲہرٕ کرنَس پٮ۪ٹھ حکوٗمتَس پٮ۪ٹھ سخت تنقید۔ شرماَن ووٚن زِ جموں و کشمیر کٮ۪ن لوٗکَن ٲس واریاہ وۄمید زِ حکوٗمت کَرِ بے روزگٲری، ترقی، بجلی ہُنٛد بحران تہٕ عوٲمی فلاح و بہبود ہِوین فوری معاملَن پٮ۪ٹھ واضح جواب دہی۔ تاہم، یِم خدشات دور کرنہٕ بجایہِ ہیوٚک نہٕ وزیٖر حزب اِختلاف کٮ۪ن بنیٲدی سوالَن ہُنٛد تہِ یقین سان جواب دِتھ ۔” حکوٗمت چھِ عوامس درپیش مُشکِلات حل کرنہٕ کھۄتہٕ جوابدٲری نِش بچنَس پٮ۪ٹھ زِیٛادٕ توجہ دِوان”۔ "ییٚلہِ وزیٖر ایوانَس منٛز تیٲری ورٲے چھِ یِوان، یہِ چھُ تِہٕنٛز جمہوری ذمہٕ دٲری تہٕ جموں و کشمیر کِس پرٮ۪تھ گَرَس مُتٲثِر کرن وٲلۍ مسلہٕ نظر انداز کرُن ظٲہِر کران”۔