بہٕ چھُس ترقی انٛنہٕ خٲطرٕ ہر ممکن کوٗشِش کران : وزیر اعلیٰ عمرعبداللہ

جموں و کشمیرٕکۍ وزیر اعلیٰ عمر عبداللہ ہَن ووٚن جُمعہ دۄہ زِ تٔمۍ سٕنٛز حکومت چھِ پوٗرٕ مرکزی زیر انتظام علاقَس منٛز ترقی ہٕنٛز رفتار تیز کرنہٕ باپتھ کٲم کران۔ تٔمۍ کوٚر بڈگام ضِلعہٕ کِس بیروہ حلقَس منٛز تقریباً 260 ملین رۄپیہِ ہٕنٛدٮ۪ن منصوٗبَن ہُنٛد افتتاح

عمر عبداللہ ہَن کٔر وضاحت زِ أمۍ سٕنٛدِ دورُک مقصد اوس بنیٲدی ڈھانچہٕ چہِ ترقی برٛونٛہہ پکناوُن تہٕ مقٲمی بسکیٖنَن ہٕنٛدۍ واریاہ کالہٕ پٮ۪ٹھٕ مطالبہٕ پوٗرٕ کرُن، یَتھ منٛز بجلی ہٕنٛز بہتر سہولیات، بہتر رٲبطہٕ تہٕ عوٲمی سٔہوٗلِیاتَن منٛز بہتری شٲمِل چھِ۔

پننِس دورَس دوران صحافیَن سۭتۍ کتھ باتھ کٔرِتھ ووٚن تٔمۍ "بہٕ چھُس پرٮ۪تھ شعبَس منٛز ترقی اَننہٕ خٲطرٕ ہر ممکن کوٗشِش کران۔ یۅہے اوس میانہِ از بیرووہ یِنُک مقصد۔”

وزیر اعلیٰ یَن دِژ یہِ تہِ اطلاع زِ واریاہَن منصوٗبَن ہٕنٛز بُنیاد چھِ تراونہٕ آمٕژ، یَتھ منٛز بجلی ہُنٛد بُنیٲدی ڈھانچہٕ تہٕ دٔریاو کِس بٔٹھِس مُتلِق پہل تہِ شٲمِل چھِ۔