لیفٹیننٹ گورنرَن کوٚر نوگام دھماکہٕ کٮ۪ن شہیدن ہٕنٛدٮ۪ن عیالَن سۭتۍ ملاقات

جموں و کشمیرٕکۍ لیفٹیننٹ گورنر منوج سنہاہَن کوٚر جُمعہ دۄہ پٔتمہِ رٮ۪تہٕ نوگم واقعَس منٛز أکِس حٲدثٲتی دھماکہٕ کِس وجہہ سۭتۍ شہید گٔمٕتۍ پولیس اہلکارَن ہٕنٛدٮ۪ن عیالَن سۭتۍ مُلاقات ۔ اتھ موقعَس پٮ۪ٹھ کٔر ایل جی یَن شہیدَن خراج تحسین پیش تہٕ تِہنٛدٮ۪ن عیالَن کرٮ۪ن تقرری چِٹھہِ تہِ فراہم۔
لیفٹیننٹ گورنر سنہاہَن ووٚن زِ پوٗرٕ قوم چھُ شٔہیٖدَن ہِنٛدٮ۪ن عیالَن سۭتۍ پھیوٚک رلٲوِتھ کھڑا یُتھ تِم ہیکَن عزتہٕ سان پنٕنۍ زِنٛدگی گُزٲرِتھ۔ تٔمۍ کوٚر شہیدَن ہٕنٛزن قۄربٲنی ہٕنٛدِس جذبَس سلام تہٕ تِہنٛدٮ۪ن عیالَن ہٕنٛدِ صبر تہٕ دِلیری ہٕنٛدۍ کٔرِنۍ تعریٖف۔
ایل جی سنہاہَن کٔر پٔتمہِ رٮ۪تہٕ اکھ بوٚڈ ملی ٹنسی منصوبہٕ ناکام بناونَس منٛز جموں و کشمیر پولیس چن کوٗشِشن تہِ تعریٖف۔ تٔمۍ ووٚن زِ جموں و کشمیر پولیسَن کٔر انٹیلی جنس، تفتیش تہٕ مُشترکہٕ کارروائیَو ذٔریعہٕ ملی ٹنٹ نیٹ ورک سٮ۪ٹھاہ دُرستگی سان ختم، یُس پوٗرٕ مُلکَس خٲطرٕ فخرٕچ کَتھ چھےٚ۔