سمٲجی سرگرمیَن ژھایہِ دہشت گردی نیٹ ورک بے نقاب ، 12 شکاوَر افراد گِرِفتار: سی آئی کے

کاؤنٹر انٹیلی جنس کٔشیٖرِ کٔر وادی کٔشیٖرِ منٛز سمٲجی سرگرمیَن ژھایہِ کٲم کرن وٲلِس أکِس مبینہ دہشت گرد سپورٹ نیٹ ورکَس خٕلاف اکھ بٔڈ کاروٲیی تہٕ ترٛٲوِکھ اَکی وِزِ واریاہَن ضِلعن منٛز چھاپہٕ۔ یہِ عمل چھُ قوم دشمن عناصرن خٲطرٕ اکھ فٲصلہٕ کُن دھچکا قرار دِنہٕ یِوان۔
سی آئی کیس مُطٲبِق آیہِ یہِ کاروٲیی ایف آئی آر نمبر 03/2023 کِس سلسلَس منٛز کرنہٕ، یُس پُلیٖس تھانہٕ سی آئی کے سرینگرَس منٛز تعزیرات ہند کِس دفعہٕ 505 تہٕ 153-A سۭتۍ سۭتۍ غٲر قونوٗنی سرگرمین (روک تھام) ایکٹ (یوٗ اے پی اے) کِس دفعہٕ 13 تہٕ 18 ہس تحت درٕج کرنہٕ آمُت چھُ۔ این آیی اے ایکٹس تحت کٔرۍ سرینگر عدالتٕکۍ خصوٗصی ججَو کٔر چھاپَن باپتھ رسمی طور تلاشٕکۍ وارنٹ جٲری۔
تٔحقیٖقاتَس دوران چھےٚ خفیہ زانکٲری سۭتۍ پتہ لگان زِ جموں و کشمیرَس منٛز چھِ کینٛہہ نفر سوشل میڈیا، انسٲنی حقوق، ماحولیٲتی تحفظ، تہٕ زنانَن بااختیار بناونہٕ کٮ۪ن پلیٹ فارمَن ہُنٛد استعمال کران یِمو سۭتۍ ہندوستانٕچہِ خۄدمختٲری خطرٕ چھُ۔