ِنتھن روڈَس پٮ۪ٹھ حٲدثہٕ، اکھ ہلاک، واریاہ زخمی

جنوٗبی کشمیر کِس اننت ناگ ضِلعَس منٛز سِنتھن ٹاپَس نزدیٖک گوٚو ٹویوٹا گاڑِ حٲدِثہٕ یَتھ منٛز اکھ شخٕص ہلاک تہٕ باقٕی ترٛےٚ زخمی گٔیہِ۔ گاڑِ منٛز سوار لوٗکھ ٲسۍ أکِس مٔریٖضَس سۭتۍ سفر کران۔ حُکامَو مُطٲبِق گوٚو یہِ حٲدِثہٕ سِنتھن ٹاپ پٮ۪ٹھٕ تقریباً زٕ پٮ۪ٹھ ترٛےٚ کِلومیٖٹر بۄن یُس لارنو پُلیٖس تھانہٕ کِس دٲیرٕ اختیارس منٛز یِوان چھُ۔ JK03G-7299 ناوٕ سۭتۍ درٕج کرنہٕ آمٕژ ٹویوٹا گاڑِ ٲس شیر کشمیر انسٹی ٹیوٹ آف میڈیکل سائنسز (سکمز) سوپور پٮ۪ٹھٕ کشتواڑ گَژھان تہٕ اَتھ منٛز ٲسۍ مٔریٖض ہٮ۪تھ شےٚ نفر سوار ۔ اِطلاعات مُطٲبِق گوٚو ڈرایورَس وَتہِ گاڑِ ہُنٛد قوبوُ راوُن، ییٚمہِ کِنۍ یہِ سڑکہِ پٮ۪ٹھٕ پٔسِتھ گٔیہِ أکِس نالہِ منٛز، ییٚمہِ کِس نٔتیٖجس منٛز حٲدِثہٕ گوٚو۔ گاڑِ منٛز سوار ژور نَفر گٔیہِ حٲدِثس منٛز زخمی، یِمَو منٛز اکھ مٔریٖض موٗد ییٚلہِ زَن زخمی آو فوری طور طبی علاج باپتھ ہسپتال نِنہٕ۔