گاندربل پولیسٕچ بٔڈ کاروٲیِی، 10 کرور رۄپین ہٕنٛز کوکین ضبط، 2 ڈرگ ڈِیلَر گِرِفتار۔

منشیاتن ہِنٛز غٲر قونونی تجارتس خٕلاف پنٕنۍ مُہِم جٲری تھٲوِتھ کٔرۍ گاندربل پولیسَن زٕ ڈرگ ڈِیلَر گِرِفتار تہٕ یِمن نِش کٔرٕکھ دَہن کرور رۄپین ہٕنٛز کوکین ضبط۔
پُلسہٕ ترجمانَن مُطٲبِق آو 8 دسمبر گاندر بلَس منٛز آو خار باغ واکورہ گاندر بلُک روزَن وول غلام نبی بٹ سُنٛد نیٚچُو محمد عرفان بٹ حِراستَس منٛز نِنہٕ، تہٕ تٔمِس خٕلاف آو گندر بل پُلسہٕ تھانس منٛز این ڈی پی ایس ایکٹَس تحت مقدمہٕ درٕج کرنہٕ، ییٚمِچ پتہٕ تٔحقیٖقات شُروٗع سپٕز۔
تِمَو ووٚن زِ شَک آوَر سٕنٛدٮ۪ن رٲبطَن تہٕ نیٹ ورکٕچ تفتیش باپتھ آیہِ ایس ایس پی گاندر بل خلیل پسوال سٕنٛزِ نگرٲنی منٛز تہٕ اِضٲفی ایس پی اویس لون سٕنٛزِ سربرٲہی منٛز آیہِ اکھ خصوٗصی تفتیشی ٹیم بناونہٕ عدالتہٕ کِس جٲری تلٲشی وارنٹَن تحت کٔر گاندربل پولیسَن سمبل، شٲدی پورہ، زُکورا تہٕ باقی شک آوَر مقامَن پٮ۪ٹھ مربوط ڈرگ نیٹ ورک نشانہٕ بنٲوِتھ چھاپہٕ۔
ترجمانَن مُطٲبِق آو اَتھ کاروٲیی دوران بیاکھ اکھ خطرناک منشیات فروش عبدالمجید خان سُنٛد نیٚچُو یُس حضرت بل سرینگرُک روزَن وول چھُ گِرِفتار کرنہٕ۔