کٲشِرۍ شال کٕنَن والٮ۪ن ہراساں کرُن چھُ ناقابلِ قبول، کارگر کاروٲیی ضروری: میرواعظ عمر فاروق

کٔشیٖرِ ہٕنٛدِ میرواعظ مولوی محمد عمر فاروقَن کٔر ہندوستان کٮ۪ن مُختلِف شَہرَن منٛز کٲشِرۍ شال کٕنَن والٮ۪ن پٮ۪ٹھ حملَن ہٕنٛدِس خبرَس پٮ۪ٹھ سٮ۪ٹھاہ تشویشُک اِظہار۔ سوشل پلیٹ فارم ایکس پیٹھ أکِس بیانَس منٛز ووٚن تٔمۍ زِ یِم رپورٹہٕ چھِ انتہٲئی افسوسناک تہٕ تشویشناک، تہٕ یہِ صورت حال چھِ بڑوٕنۍ غٲر یقینی صورتحالٕچ علامت۔
میرواعظَن ووٚن زِ حکومتی یقین دہانی باوجوٗد چھُنہٕ کٲشِرۍ تاجرن تہٕ موٚزوٗرَن حراساں کرُن رُکاونہٕ آمُت، ییٚمہِ سۭتۍ یِمَن منٛز شدید عدم تحفظ ہُنٛد احساس چھُ۔ تٔمۍ ووٚن زِ ‘یہِ چھُ حٲران کَران زِ نہ چھُ اتھ تشددَس پیٹھ کانٛہہ رُکاونہٕ آمُت، تہٕ نہ چھِ یِمَن حملَن منٛز شٲمِل افرادَن سزا دِنہٕ یِوان، ییٚمہِ سۭتۍ صورتحال مزید خراب چھِ گَژھان’۔
تٔمۍ کٔر واضح زِ کٲشِرِ شال کٕنَن وٲلہِ تہٕ مزدور چھِ روزگار ژھارنہٕ خٲطرٕ ہندوستان کٮ۪ن مُختلِف شہرن منٛز گژھان تہٕ تِہٕنٛز حفاظت یقینی بناوٕنۍ چھِ اَمہِ وقتٕچ حکوٗمتٕچ بُنیٲدی ذمہٕ وٲری۔