یِنہٕ والٮ۪ن 24 گھنٹَن منٛز کٔشیٖرِ منٛز مزید شیٖن تہٕ روٗد پیٚنُک اِمکان.

محکمہٕ موسمیاتن دِژ تازٕ شیٖن پیٚنہٕ دوران وادی کشمیرس منٛز یِنہٕ والٮ۪ن 24 گھنٹَن منٛز مزید شیٖن تہٕ روٗد پیٚنٕچ پیشن گوئی۔اِطلاعات مُطٲبِق چھُ گُلمرگ، گُریز، مُزمل تہٕ شُمٲلی کشیٖرِ کٮ۪ن واریاہَن علاقن منٛز ہلکہٕ پٮ۪ٹھٕ درمیٲنی شیٖن پیٚوان۔محکمہ موسمیات ہٕنٛدِ ترجمانَن ووٚن زِ 31 دسمبر تہٕ 1 جنوری روزِ وادی ہُنٛد موسم اوٚبُر روزُن، یَتھ منٛز واریاہن جاین ہلکہٕ پیٹھہٕ درمیٲنی شیٖن پیٚنُک امکان چھُ، ییٚمیُک ساروٕے کھۄتہٕ زِیٛادٕ اثر 31 دسمبر شامَس پیٹھٕ 1 جنوری صُبحس یا دُپہرَس تام گژھِتھ۔تمہِ وو٘ن زِ اتھ عرصس دوران ہیكہِ شُمٲلی تہٕ وسطی کشمیر کین کینژن پہٲڑی علاقن منز درمیٲنی پیٹھہٕ سٮ۪ٹھاہ شِنہٕ پیٚتھ۔تٔمۍ ووٚن ووٚن زِ وادی منٛز تہِ چھُ 2 جنوری تہِ موسم کُنہِ حدس تام اوٚبُر روزُن تہٕ کینژن علاقن منٛز ہلکہٕ شیٖن پیٚیہِ۔