وادی کشمیرَس مَنٛز چھُ موبایِل اِنٹرنیٚٹ سپیٖڈ محدود

ایرانی سپریم لیڈر آیت اللہ علی خامنہ ای سٕنٛدِس قتلَس خلاف وادی کشمیرَس منٛز اچانک احتجاج شروع گژھن والٮ۪ن احتجاجَن مدنظر کٔر انتظامیہ ہَن ژٔندٕروارِ دۄہ موبائل انٹرنیٹٕچ رفتار محدود۔ سرکٲرِ ذرایعو مُطٲبِق آو یہِ قدم امن و امان برقرار تھاونہٕ تہٕ افواہ پھٔہلاونَس پیٹھ قوبوٗ کرنہٕ خٲطرٕ ضروٗری ماننہٕ۔
آتھوارِ دۄہ ٲس وادی ہٕنٛدٮ۪ن مُختلِف حصن منٛز بٔڑِس پیمانَس پٮ۪ٹھ احتجاجی جلوس، ماتم ریلی، تہٕ دھرنَو پتہٕ، خاص طور شیعہ اکثریتی علاقَن منٛز، خدشات زِ مزید اجتماع یا افواہ ہیکہِ سوشل میڈیا کہِ ذٔریعہٕ پھٔہلِتھ، ییٚمہِ سۭتۍ صورتحال خراب گٔیہِ۔ اتھ تناظرس منٛز، موبائل ڈیٹاہچ رفتار آیہٕ کم کرنہٕ تہٕ صرف بنیٲدی خدماتن تام محدود۔
اِنتِظامیہَن ووٚن زِ صورتحالَس پٮ۪ٹھ چھِ لَگاتار نظر تھاونہٕ یِوان تہٕ ضروٗرت پیٚنَس پٮ۪ٹھ ہٮ۪کَن مزید فٲصلہٕ نِنہٕ یِتھ۔ أکۍ سینئر افسرَن ووٚن: ‘یہِ قدم چھُ صِرف احتِیاطی۔ مقصد چُھ صرف یہِ یٔقیٖنی بناوُن زِ اشتعال انگیز مواد یا غلط زانکٲری گژھِ نہٕ فوری طور عام لوٗکَن تام واتہِ، یُتھ ماحول روزِ شانت۔’