نوجوانَن پَزِ نوکری ژھارَن والٮ۪ن بدلہٕ نوکری پٲدٕ کرن وٲلۍ بنٕنۍ: عمر عبداللہ

جموں و کشمیرٕک وزیر اعلیٰ عمر عبداللہ ہَن دِیُت نوجوانَن زور زِ تِم کٔرِن جدت طرازی تہٕ کارٕبٲری مہارتَن ہُنٛد اِستعمال کٔرِتھ پایدار کارٕبٲری کارٕبٲری ادارٕ قٲیِم کَرُن۔ تٔمۍ دِیُت زور زِ نوجوان لوٗکھ پَزِ نوکری ژھارَن والٮ۪ن بجایہِ نوکری پٲدٕ کرن وٲلۍ بنٕنۍ۔ وزیر اعلیٰ ہَن کٔر برٛسوارِ دۄہ شیر کشمیر یونیورسٹی آف ایگریکلچرل سائنسز اینڈ ٹیکنالوجی، جموں منٛز جے کے سی آئی پی تحت سٹارٹ اپ آؤٹ ریچ پروگرامس منٛز شرکت۔ اَمہِ موقعَس پیٹھ کٔر تٔمۍ طٲلبہِ عٔلِمَن، نوجوان کارٕبٲرۍ افراد، تہٕ فارمر پروڈیوسر آرگنائزیشنن ہٕنٛدٮ۪ن نمایندَن سۭتۍ کتھ باتھ۔ اجتماعَس خٕطاب کٔرِتھ دِیُت وزیر اعلیٰ نوجوانَن پٮ۪ٹھ زور زِ تِم بنَن نوکری ژھارَن بجایہِ نوکری پٲدٕ کَرن وٲلۍ۔ تٔمۍ ووٚن زِ نوجوانَن پَزِ جدت طرازی تہٕ کاربٲری مہارتَن ہُنٛد استعمال کٔرِتھ پایدار کارٕبٲری ادارٕ قٲیِم کرٕنۍ۔ عمر عبداللہ ہَن ووٚن زِ جموں و کشمیرَس منٛز چھِ زراعت تہٕ متعلقہ شعبن منٛز واریاہ موقعہٕ موجود۔