زنانہ بااختیار بناونہ چھُ ترقی ہُنٛد ساروٕے کھۄتہٕ مضبوٗط محرک: منوج سنہا

جموں و کشمیرٕکۍ لیفٹیننٹ گورنر منوج سنہاہَن کوٚر زَنانَن ہُنٛد عالمی دۄہ کِس موقعَس پٮ۪ٹھ زنانَن مبارک باد تہٕ وونُن زِ زنانَن بااختیار بناوُن چھُ ترقی تہٕ غربتُک خاتمہٕ خٲطرٕ ساروٕے کھۄتہٕ مضبوٗط محرک۔تٔمۍ ووٚن زِ از چھِ سانۍ زنانہٕ معاشرس زیادٕ منصفانہٕ تہٕ مساوی نظامس کُن نِنہٕ خٲطرٕ انتھک محنت کران۔پننِس پیغامَس منٛز ووٚن منوج سنہاہَن زَنانَن ہِنٛدِس عالمی دۄہ کِس موقعَس پٮ۪ٹھ چھُس بہٕ جموں و کشمیر کٮ۪ن پننٮ۪ن سارنٕے بیٚنٮ۪ن مبارکباد تہٕ نیک خواہشات پیش کران یِم مرکزی زیر انتظام علاقہٕ تہٕ سانہِ عظیم ملکُک مستقبلٕچ تشکیل دِنہٕ خٲطرٕ عزم تہٕ غٲر متزلزل دِلیری سان برٛونٛہہ کُن چھِ پکان۔’تٔمۍ ووٚن، ‘مےٚ چھُ یقین زِ یہِ موقعہٕ کَرِ تِمن مُلکہٕ چہِ ترقی کِس سفرس منٛز اہم کردار ادا کرن والٮ۪ن ہٕنٛدِ پٲٹھۍ برٛونٛہہ پکنہٕ خٲطرٕ ترغیب۔’تٔمۍ ووٚن زِ زنانَن بااختیار بناوُن چھُ ترقی تہٕ غربتُک خاتمہٕ خٲطرٕ ساروٕے کھۄتہٕ مضبوٗط محرک، تہٕ از چھِ سانۍ زنانہٕ معاشرس زیادٕ منصفانہٕ تہٕ مساوی نظامس کُن واتناونہٕ خٲطرٕ انتھک محنت کران۔