*اننت ناگ پولیسَن کٔر ڈرگ ریکیٹ پتہٕ: 5 معاملہٕ درٕج، 6 فروش گِرِفتار، 13 کِلو کھۄتہٕ زِیٛادٕ چرس تہٕ 12 گرام ہیروئِن برایافت*
نشاور ادوِیاتس خٕلاف پَنٕنہِ مُہِم جٲری تھٲوِتھ کٔر اننت ناگ پولیسَن پوٗرٕ ضِلعس منٛز کرنہٕ یِنہٕ والٮ۪ن واریاہن کارروائین منٛز بٔڑ کامیٲبی حٲصِل، ییٚمہِ کِس نٔتیٖجس منٛز پانٛژھ مقدمہٕ درٕج کرنہٕ، شےٚ نشاور ادوِیات فروش گِرِفتار کرنہٕ آیہِ، تہٕ کٲفی مقدارس منٛز ممنوعہ چیز برآمد گٔیہِ۔ مخصوٗص معلوٗماتَن پٮ۪ٹھ کاروٲیی کٔرِتھ کٔر پُلیٖس تھانہٕ سری گُفوارہ ہٕکہِ أکہِ پُلسہٕ جمٲژ دچیگم سری گُفوارہ کِس روزَن وٲلِس نِثار احمد نادف سٕنٛدِس رِہٲیشہِ پٮ۪ٹھ چھاپہٕ تہٕ لَگ بَگ 2 کِلو چارس ہیوٗ مادٕ برآمد کٔرِتھ۔ قونوٗن کِس مُتعلقہٕ دفعاتن تحت چھُ اکھ مقدمہ درٕج کرنہٕ آمُت۔ شاکرَس منٛز ناکا تلاشی دوران کوٚر سری گفوارہ پولیسَن بدروٗ کِس روزَن وٲلِس محمد رمضان سُنٛد نیٚچُو عادل احمد موچی گِرِفتار تہٕ أمِس نِش کوٚرُکھ تقریباً 2 کِلو چرس ہیوٗ مادٕ ضبط۔ اَمہِ مُطٲبِق آو اکھ مقدمہ درٕج کرنہٕ۔