*عالم گاری بازرَس منٛز نار لگنُک واقعہٕ: ترٛےٚ رہٲیشی مکانہٕ گٔیہِ تباہ *

سرینگر کِس عالم گری بازار علاقَس منٛز لوٚگ نار یَتھ منٛز ترٛٮ۪ن رہٲیشی عمارتَن بٔڑِس پیمانَس پٮ۪ٹھ نۄقصان واتنوو۔ حکامَو مُطٲبِق آو بٹامالوَس منٛز سٹیٹ فائر کنٹرول رومَس واقعہٕ مُتعلِق پریشٲنی ہٕنٛز کال ۔ ایف اینڈ ای ایس نوشہرہ، ایف اینڈ ای ایس صفاکدل، ایف اینڈ ای ایس ریناواری، ایف اینڈ ای ایس سید حمید پورا، تہٕ ایف اینڈ ای ایس ہیڈ کوارٹر پٮ۪ٹھٕ آیہِ فوری طور واقعہٕ جایہِ پٮ۪ٹھ سوزنہٕ۔ وٲتِتھ آو یہِ وُچھنہٕ زِ ترٛیٚشوے عمارتہٕ آسہٕ نارَس منٛز لٔبِتھ۔ نار بجھاونٕچ کاروٲیی آیہِ فوری طور شُروٗع کرنہٕ، تہٕ نار کَرن والٮ۪ن ہٕنٛدِ شٔدیٖد کوٗشِشہِ پتہٕ آو نار قوبوٗہس منٛز اننہٕ۔ مزید پھٔہلاونہٕ رُکاونہٕ خٲطرٕ آیہِ فوری طور ٹھنڈٕچ کٲم کرنہٕ۔ امہِ واقعٕچ تصدیٖق کٔرِتھ وون ایف اینڈ ای ایس کمانڈ سری نگرٕکۍ ڈپٹی ڈایریکٹر ڈاکٹر عاقب حسین میرَن زِ ترٛےٚ رہٲیشی ڈھانچہٕ چھِ شٲمِل۔