*ایل جی سنہا سند جموں و کشمیرَس منٛز منشیاتَس خٕلاف عوٲمی تحریٖکُک مُطالبہٕ*نوجوانَن منٛز بڑوُن نشہ چُھ خطرناک:منوج سنہا

سپلائی چین ختم کرنہٕ، زمینی سطحس پیٹھ بیدٲری تیز کرنہٕ تہٕ علاج یقینی بناونہٕ خٲطرٕ 3 جہتی حکمت عملی ہُند خاکہٕ پیش کران۔ اسمگلرن چھُ این ڈی پی ایس چہِ سخٕت کاروٲیی نِش خبردار کران یَتھ منٛز جائیداد منسلک کرُن تہٕ پاسپورٹ منسوخی شٲمِل چھِ۔ 100 دۄہَن ہٕنٛز مُہمہِ منٛز چھِ بٔڑِس پیمانَس پٮ۪ٹھ عوٲمی شرکت۔ سری نگر پدیاترا، سٹیڈیم پٮ۪ٹھٕ لال چوکَس تام پگہہ *کے این او نامہٕ نگار سری نگر، 02 مئی (کے این او): لیفٹیننٹ گورنر منوج سنہاہَن ووٚن بَٹہٕ وارِ دۄہ زِ جموں و کشمیرَس منٛز چھُ منشیاتٕچ تجارتَس دہشت گردی سۭتۍ "براہِ راست تعلق”، یہِ زور دِتھ زِ انتظامیہ چھُ منشیاتُک نیٹ ورک ختم کرنٕچ تہٕ نوجوانَن ہٕنٛز بڑوٕنٕچ لت رُکاونٕچ کوٗششہِ تیز کران۔خبرو مُطٲبِق لوک باونَس منٛز نامہ نگارن سۭتۍ کتھ باتھ کران وون ایل جی سنہاہَن زِ ناشا مُکت بھارت ابھیانَس تحت 2021 پٮ۪ٹھٕ لگاتار کوٗشِشن باوجوٗد چھُ خاص پٲٹھۍ نوجوان مردَن تہٕ زَنانَن منٛز منشیاتُک استعمال کرنُک پیمانہٕ اکھ شٔدیٖد تشویش۔