جموں و کشمیر فری سِلنڈر سٕکیٖم: حکوٗمتَن دِژ اے اے وائی خاندانَن خٲطرٕ شےٚ مُفت ایل پی جی سلینڈرَن ہٕنٛز منظوٗری۔

جموں و کشمیرٕکۍ وزیرِ سٔتیٖش شرماَن دِیُت از قونوٗن ساز اسمبلی اِطلاع زِ حکوٗمتَن چھِ مركزی زیر انتظام علاقَس منٛز اے اے وائی (انتیودیا انا یوجنا) خاندانَن خٲطرٕ شےٚ مُفت گیس سلنڈرَن منظوٗری دِژمٕژ۔ اَمہِ اعلانَس سۭتۍ گوٚو ایوانَس منٛز ہنگامہٕ تہٕ حزب اِختلاف جمٲژ بی جے پیَن لوٚگ حکوٗمتَس پٮ۪ٹھ 12 سِلنڈر فراہم کرنُک وعدٕہ ہٹاونُک اِلزام۔

خوراک، سِول سپلائی، تہٕ کنزیومر افیئرٕک وزیر، ستیش شرماَن ووٚن زِ بہٕ چھُس یَژھان ایوانَس اطلاع دِیُن زِ شےٚ مُفت گیس سِلنڈر سکیٖمہِ چھِ مُتعلقہٕ حُکامَو دٔسۍ منظوٗری دِژمٕژ۔ تفصیلات یِن جلد فراہم کرنہٕ۔’

ییٚلہِ زَن حُکُمرٲنی جمٲژ ہٕنٛدیو رُکنو ژَرِ پوٚپ کٔرِتھ اتھ اعلانَس خٲر مقدم کوٚر، بی جے پی رُکنَو کوٚر حکوٗمتَس خٕلاف احتِجاج، ییٚمہِ کِس نتیجَس منٛز ایوانَس منٛز افراتفری گٔیہِ۔

بی جے پی رُکنَن ووٚن زِ یہِ چھُ دوکھہٕ۔ حُکُمران جمٲژ اوس باہ مُفت سلنڈر فراہم کرنُک وعدٕ کوٚرمُت۔ شےٚ سلنڈر پیش کرُن چھُ بوٚڈ بارٕدھوکہٕ۔