مول  گوٚو قٲضۍ گُنڈس منٛز پنُن نیچو  بچاوان ڈُبِتھ

جنوٗبی کٔشیٖرِ ہِنٛدِس اننت ناگ ضِلعہٕ کِس قاضی گُنٛڈ علاقَس منٛز أکِس افسوسناک واقعَس منٛز موٗد اکھ شخٕص پنُن پانٛژ وُہُر نیٚچُو بچاونٕچ کوٗشِش کران ۔ یہِ واقعہٕ گوٚو ناسو بدرگنٛڈ علاقَس منٛز ییٚتہِ ناگِن پورہُک روزَن وول ظہور احمد گِنائی پننِس 5 وُہُرِس نیٚچوِس عماد ظہورَس سٍتۍخانٛدرَس منٛز شِرکت کرنہِ گوٚمُت اوس۔ ذرایعو مُطٲبِق  گوٚو اَتھ وقتَس دوران شُر اچانک سینڈرن نالس منٛز،تہٕ نیچو ڈوبان وُچھِتھ دِژ مٲلۍ أمِس بچاونہٕ خٲطرٕ پننہِ زُوٕچ فِکر کرنہٕ ورٲے نالس منٛز وۅٹھ۔ حالانٛکہِ مٲلۍ کٔر پنُن نیچو بچاونہٕ خٲطرٕ پنٕنۍ پورٕ کوٗشِش، مگر سُہ گوٚو پانہٕ پنُن نیٚچُو بچاوان بچاوان ازجان۔ مُقٲمی لوٗکَن ہٕنٛدِ مددتہٕ  سٍتۍآو پانٛژ وُہُر عماد ظہور آبہٕ منٛزٕ کڑنہٕ تہٕ فوری طور آو قاضی گُنٛڈ ایمرجنسی ہسپتال منتقٕل کرنہٕ۔ ہسپتالٕک ذرایعَو ووٚن زِ شُر چھُ وُنکیٚنَس مستحکم تہٕ چھُ ڈاکٹرَن ہِنٛزِ نگرٲنی منٛز۔