جموں و کشمیر حکوٗمتَن کٔر گٮ۪وٕ کٮ۪ن 10 غٲر محفوٗظ بیچَن ہِنٛدِس استعمالَس پیٹھ پابٔنٛدی عٲیِد، یہِ کاروٲیی آیہ فوڈ سیفٹی اینڈ سٹینڈرڈز ایکٹ 2006 کٮ۪ن دفعاتن تحت کرنہٕ۔

جموں و کشمیرٕچ فوڈ اینڈ ڈرگ ایڈمنسٹریشنَن (ایف ڈی اے) چُھ مرکزی زیر انتظام علاقَس منٛز گیوٕکۍ 10 ہَن شناخت شُدٕ برانڈَن ہٕنٛز کٕنن، ذخیرٕ، تقسیم تہٕ نُمٲیشہِ پیٹھ پابٔنٛدی۔ لیب ٹیسٹَن دوران آیہِ یِمَن برانڈَن ہٕنٛدۍ دَہ بیچ غٲر معیٲری، غیر محفوظ تہٕ غلط لیبل لگاونہٕ آمٕتۍ لبنہٕ۔

ایف ڈی اے یَن ووٚن زِ أمۍ کٔر دَہن برانڈَن ہٕنٛدٮ۪ن بیچَن ہٕنٛدٮ۪ن نمونَن ہُنٛد ٹیسٹ یِمن منٛز ڈیری موہن، اپنا ڈیری ملک، ملک بائٹ، نندنی، شاہی تاج، دَوت فریش، نند کرشنا، وینڈو، ڈیری ڈودھ، تہٕ موہن ڈیری شٲمِل چھِ۔

یِم ٹیسٹ کٔرِکھ نیشنل فوڈ لیبارٹری، غازی آباد تہٕ فوڈ ٹیسٹنگ لیبارٹری، کشمیرس منٛز نوٹیفائنڈ فوڈ تجزیہ کارو دٔسۍ کرنہٕ۔