نیشنل کانفرنس چُھ وۄنۍ اکھ ڈوبَن وول جہاز، تہٕ پارٹی ایم پی آغا روح اللہ ہَن تہِ چُھ یہِ  زوونمُت،آغا روح اللہ ہس چُھ این سی چہِ ناکامی ہُنٛد احساس: نثار احمد بٹ

آتھٕوارِ دۄہ کوٚر بھارتیہ جنتا پارٹی ترال کِس أکِس دوٗر دراز علاقس منٛز باگمنٛد بٹ نور ناوٕ اکہِ پروگرامُک اِنتِظام، ییٚمیُک صدارتی پارٹی ہُنٛد کوآپریٹو سیلُک شریک کنوینر نثار احمد بٹ اوس کوٚرمُت، ییٚلہِ زَن پارٹی ہٕنٛدِ باقٕے واریٛاہ رُکُن تہِ ٲسۍ موجود۔ اَتھ موقعس پیٹھ دِیُت نثار احمد بٹن پارٹی ہُنٛد جھنڈٕ پرٮ۪تھ گَرَس تام واتنَس پٮ۪ٹھ زور تہٕ زور دِیُت کارکُنَن عوامس سۭتۍ پوٗرٕ تعاون تہٕ فلاحی سرگرمیَن منٛز سرگرمی سان حصہٕ نِنُک زور۔

میٹنگہٕ پتہٕ أنۍ واریاہو وفدَو پنٕنۍ مسلہٕ رہنُماہن ہٕنٛدِس توجہَس کُن، یَتھ منٛز سارِوٕے کھۄتہٕ بٔڑ تشویش بٹ نور باگمنٛد روڈَس پٮ۪ٹھ کٲم رُکاونٕچ ٲس۔ نثار احمدَن دِیُت عوامس یقین زِ تِہٕنٛدۍ تمام مسلہٕ یِن ترجیحی بنیادن پیٹھ حل کرنہٕ۔