ایل جی منوج سنہاہَن کٔر سرینگرَس منٛز اعلیٰ سطحی سیکیورٹی جٲیزٕ اجلاسٕچ صدارت۔
جموں و کشمیرٕکۍ لیفٹیننٹ گورنر منوج سنہاہَن کٔر بوموارِ دۄہ مرکزی زیر انتظام علاقَس منٛز مجموعی سیکورٹی صورتحال چیک کرنہٕ خٲطرٕ لوک بھونَس منٛز اعلیٰ سطحی حفاظتی جٲیزٕ اجلاسٕچ قیادت۔
ذرایعَو ووٚن زِ یہِ اجلاس چھُ وُنکینَس جٲری تہٕ اَتھ منٛز چھِ فوج، جموں و کشمیر پولیس، انٹیلی جنس ایجنسیہِ تہٕ سول انتظامیہ ہٕنٛدِ اعلیٰ عہدیدار شرکت کران۔ ذٔرایعَو ووٚن زِ یہِ اجلاس گژھِ موجودٕ سیکورٹی صورتحال، سیکورٹی فورسز ہٕنٛز تیٲری تہٕ مُختٔلِف ایجنسیَن درمیان ہم آہنگی بڑاونٕکۍ طٔریٖقَن پٮ۪ٹھ غور کرنہٕ۔