اُونتی پورہ پَدگام پورِس منٛز فارمن منٛز  دۄہ مزوٗرۍ کَرن والٮ۪ن مزورن ہُنٛد احتِجاج، پٔتِمٮ۪و وُہَو ؤرۍ یَو پٮ۪ٹھہٕ چھِ أسۍمعموٗلی تنخواہَس پٮ۪ٹھ ییٚتہِ کٲم کران: مُظٲہِرین 

جموں و کشمیرَس منٛز چھِ دۄہ دِنہٕ وٲلۍ موٚزوٗرَن باقٲعدٕ بناونَس پٮ۪ٹھ احتجاج کرنہٕ یِوان۔ اَز کٔر جٔنوٗبی کٔشیٖرِ منٛز ایس ایم فارم پڈگام پورا، اُنتی پورہَس منٛز کٲم کَرن وٲلۍ دۄہ اجرت وٲلۍ موٚزوٗر تہٕ عام موٚزوٗرَو نعرٕ تُلِتھ پنٕنۍ نوکری باقاعدٕ بناونٕچ ، کم از کم اجرت ایکٹ نافذ کرنہٕ تہٕ باقٕے مُطالباتن خٲطرٕ احتجاج۔ 

مُظٲہِرین ووٚن زِ تِم چھِ پٔتِمٮ۪و وُہَو ؤرۍ یَو پٮ۪ٹھٕ واریاہ کم تنخواہَن پٮ۪ٹھ کٲم کران، مگر وۄنۍ افراط زر سارِوٕے کھۄتہٕ زِیٛادٕ آسنہٕ کِنۍ چھِ أسۍ پنٕنۍ خرچہٕ پوٗرٕ کٔرِتھ ہٮ۪کان، ییٚمہِ وجہہ سۭتۍ أسۍ حکوٗمتُک توجہٕ پھِراونہٕ خٲطرٕ مجبوٗر چھِ۔ مُلٲزِمو دِژ حکوٗمتَس خبردار زِ اگر نہٕ تِہٕنٛدۍ مُطالبات پوٗرٕ کرنہٕ یِن تِم کَرِ احتجاج تیز۔