جموں و کشمیر موسم اپڈیٹ: پوٗرٕ ہفتَس  زیادٕ ہ تر خۄشٕک موسم روزنُک امکان تہٕ کینٛژھن علاقَن منٛز  رُدٕگرٛاے  پٮ۪نُک اِمکان ۔

سرینگرٕ کہِ علاقٲیی موسمیٲتی مرکزٕچ تازٕ ترین پیشنگویی مُطٲبِق چھُ یِنہٕ والٮ۪ن دۄہَن منٛز جموں و کشمیرُک موسم زیادٕ تر خۄشٕک روزنُک اِمکان۔ تاہم ہیٚکہِ کینٛژھن علاقن منٛز روٗد گرٛایہِ پٮ۪تھ ۔موسمی صورتحال  کِنۍ چُھ نیبرِمٮ۪ن سرگرمین تہٕ فصلن ہٕنٛز کٹایہِ خٲطرٕ سازگار موسمُک توقع کرنہٕ یِوان، حالانٛکہِ الگ تھلگ  علاقن  منٛز ہیٚکہِ  رُدٕ گرٛایہِ ،بجلی ترٛٹھ تہٕ تیز واوِ دۄہ دِش کِس معمولس منٛز خلل ترٛٲوِتھ۔ محکمہٕ موسمیاتَن چُھ یِنہٕ والٮ۪ن 24 گھنٹَن خٲطرٕ مُختٔلِف جاین رُدٕ گرٛایہِ تہٕ بجلی ترٛٹن مُتعلِق الرٹ جٲری کوٚرمُت، یَتھ سۭتۍ 40 پیٹھٕ 50 کلومیٹر فی گھنٹہٕ تیز واو تہٕ 60 کلومیٹر فی گھنٹہٕ تام تیز واو  تہِ پٔکِتھ ہیٚکہِ۔