ٹھِیوٚن کنگن: پاور کنالہِ منٛز أکِس نوجوان  لڑکہٕ تہِٕ کورِ ہٕںٛز لاش برآمد ۔

راتھ شامَس آیہِ جموں و کشمیر کِس گاندر بل ضِلعہٕ کِس ٹِھیوٚن کنگن علاقَس منٛز أکِس نوجوان  کورِ تہٕ أکِس نوجوان  لڑکہٕ سٕنٛز  لاش برآمد کرنہٕ یِمن منٛز18 ؤہرِس لڑکہ سٕنٛز  شناخت اشتیاق احمد کائی ولدمحمد شریف کائی  ساکنہ ِٹِھیوٚن کنگن کرنہٕ آمٕژ  ییٚمۍ أکِس کورِ سان پاور کنالہِ منٛز وۄٹھ دِژمٕژ ٲس۔ اطلاع موصول گژھنہٕ پتہٕ  آو فوری طور کنگن پولیس، مقٲمی بسکیٖن، ایس ڈی آر ایف گنٛڈ تہٕ ایس ڈی آر ایف کنگن طرفہٕ ژھانڈو شروٗع کرنہٕ۔ واریاہ کوٗشِشہِ کرنہٕ پتہٕ گٔیہِ دۅشوے لاشہٕ برآمد  تہٕ تِم آیہِ قونوٗنی  تہٕ رسمی کاروٲیی باپتھ سب ڈِسٹرکٹ ہسپتال کنگن منتقٕل کرنہٕ۔ امہِ واقعٕکۍ اصلی وجوہات چھِنہٕ وُنہِ تہِ واضح زِ دۄشوٕیو کیازِ  چھےٚخۄدکُشی  کٔرمٕژ ۔ کنگن پولیسَن چھُ مقدمہٕ درٕج کوٚرمُت تہٕ  چھےٚتفتیش شُروٗع  کرنہٕ آمٕژ۔ یہِ چھُ قٲبلہِ ذِکِر زِ ییٚمہِ ؤریہِ آے ٹِھیوٚن کنگن تہٕ گنٛڈ کٮ۪ن پاور  کنالن منٛز آبس پھٹنٕکۍ تہٕ خۄدکشی ہٕنٛدۍ واریاہ واقعہٕ لبنہٕ۔