جموں ڈیولپمنٹ اتھارٹی چھےٚ ‘اولڈ جنرل بس سٹینڈ’ عمارت غٲرمحفوظ قرار دِژمٕژ۔

تمام دُکاندارَن، مُسافِرَن تہٕ اولڈ جنرل بس سٹینڈ استعمال کَرن والٮ۪ن  چھےٚ اطلاع دِنہٕ آمٕژ زِ پبلک ورکس ڈیپارٹمنٹٕکۍ چیف انجینئرَن چھُ عمارت خراب گَژھنہٕ کِنۍ  یہِ غٲرمحفوظ قرار دِژمٕژ، تاکہ جان تہٕ املاک  ہیٚکہِ کُنہِ تہِ ناخوشگوار واقعہٕ  پیش یِنہٕ نِشہِ بچاونہٕ یِتھ۔ امہِ نوٹس باوجود اگر کانٛہہ  یہِ عمارت استعمال کرِ سُہ کرِ یہِ پننہِ ذٲتی ذمہٕ دٲری پیٹھ۔ یہِ چھُ قٲبلِ ذِکِر زِ یہِ بس سٹینڈ کمپلیکس چھُ پرٛٮ۪تھ دۄہ ساسہٕ بدٮ۪ن مسافرَن تہٕ شہریَن ہُنٛد مرکز بَنان۔ عمارژ تالوٕ پٮ۪ٹہہٕ چُھ سیمنٹ پیوان، شِثتٕر لراڈن چھےٚ کٔھے لٔجمٕژ تہٕ  تھمن پٮ۪ٹھ چھےٚ پھرٛٲٹ واضح طور بوزنہٕ یوان۔ خطرٕچ وارننگ باوجوٗد چھُ بس سٹینڈَس پٮ۪ٹھ وُنہِ تہِ مُسافِرَن ہُنٛد سٮ۪ٹھاہ رش تہٕ بۄنہٕ کَنہِ چھِ تجٲرتی سرگرمی بےٚ رُکاوٹ جٲری۔ مقٲمی شہریو تہٕ تاجرو چھِ انتظامیہ کِس نقطہٕ نظرس مُتعلِق سٔنٛجیٖدٕ سوال تُلمٕتۍ۔ تِم چھِ ونان زِ صِرِف اکھ نوٹس بورڈ لاگُن چُھنہٕ کٲفی اتھ معاملس منٛز یِیِنۍ کانٛہہ کار گر کاروٲیی تہِ کرنہٕ۔