پلوامہ حملہٕ پتہٕ جموں شٹ ڈاونَس دوران کٔرۍ عدالتَن روہت شرما ہٮ۪تھ 7 مُلزِم الزامَو نِشہِ بٔری۔
جٔمِکۍ دۅیِم ایٚڈِشنل سیشن کورٹَن کٔر ۍپلوامہ دہشت گرد حملہٕ پتہٕ فروری 2019 ہَس منٛز جموں شٹ ڈاونَس دوران مبینہ بدامنی، گاڑِ زالنہٕ تہٕ دفعہٕ 144 ہٕچ خلاف ورزی کِس معاملَس منٛز روہت شرما ہٮ۪تھ سَتھ مُلزِم یَلہٕ بٔرِی۔ عدالتَن ووٚن زِ مُلزِمَن خٕلاف مُقدِمہٕ برٛونٛہہ پکناونہٕ باپتھ چھُنہٕ ضروٗری سطحَس پٮ۪ٹھ کانٛہہ تہِ ثبوٗت پیش کرنہٕ آمُت۔ ایٚڈِشنَل سیشن جج جوٚم انوپ کُمار شرماَن کوٚر 5 ستمبر 2026 جٲری کَرنہٕ آمتِس پننِس حُکمَس منٛز روہِت شرما، کیلاش کُمار، منات کُمار، سجن کُمار، سُکھدیو سنگھ عرف رنکو، ساحل شرماتہٕ جگدیش کُمار آئی پی سی کِس دفعہٕ 188، 147، 148، 149، 435 تہٕ 427 تحت الزامَو نِشہِ بٔری۔ استغاثہٕ مُطٲبِق کوٚر 14 فروری 2019 ہَس منٛز پلوٲمِس منٛز دہشت گرد حملہٕ پتہٕ، یَتھ منٛز لَگ بَگ 40 سیکیورٹی اہلکار ہلاک گٔے مُختٔلِف سمٲجی تہٕ سیٲسی گروپَو کوٚر 15 فرؤری جوٚم بنٛد کرنُک مُطالبہٕ۔