زرعی یونیورسٹیَن سۭتۍ وابستہٕ ویٹرنری طٲلبہِ عٔلمن ہُنٛدوظیفس منٛز ہُریرُک مُطالبہٕ تہٕ احتجاج۔یہِ چھُ قٲبلہِ ذِکِر زِ ویٹرنری طٲلبہِ عٔلِمَن ہِنٛدِ خٲطرٕ وظیفہٕ بڑاونٕچ تجویز چھےٚ 2023 پیٹھہٕ محکمہٕ خزانس منٛز زیر التوا ۔
جموں و کشمیرَس منٛز چھےٚ طبی تہٕ نیم طِبی تربیت دِنہٕ والٮ۪ن تہٕ طٲلبہِ عٔلِمن ہِنٛدِ طرفہٕ رٮ۪تہٕ وار وظیفس منٛز معقول تہٕ مُنٲسب ہُریرٕکۍمُطالبن شدت حٲصِل کٔرمٕژ۔ وۄنۍ چھِ جموں و کشمیرَس منٛز ویٹرنری طٲلبہِ عٔلِمَن انٹرنشپ وظیفس منٛز ہُرٮ۪ر کرننہٕ کِس واریاہ کالہٕ پٮ۪ٹھہٕ پکان مُطالبَس پٮ۪ٹھ احتجاج کوٚرمُت۔
"جموں و کشمیر ویٹرنری سٹوڈنٹس ایسوسی ایشن” یۄس ایس کے اے ایس ٹی جموں تہٕ ایس کے اے ایس ٹی کشمیرٕکۍ طالب علمَن ہٕنٛز نُمٲینٛدگی کران چھےٚ کوٚر راتھ احتجاج شُروٗع۔ ایسوسی ایشن چھِ تقریباً ترٛٮ۪و ؤرۍ یَو پٮ۪ٹھ وظیفس پٮ۪ٹھ نظرثانی ہُنٛد مُطالبہٕ کران۔ ویٹرنری طٲلبہِ عٔلِمَن مُطٲبِق چھِ دۄشوٕے یوٗنیورسٹی یِمَن شیٚن رٮ۪تَن خٲطرٕ 6,000 رۄپیہِ تہٕ باقٕے شیٚن رٮ۪تَن خٲطرٕ 9,000 رۄپیہِ وظیفہٕ فراہم کران، یَتھ منٛز مزید 3,000 رۄپیہِ آیی سی اے آر طرفہٕ فراہم کرنہٕ یِوان چھِ۔
تِمَو ووٚن زِ وظیفہٕ چہِ نظرثٲنی ہٕنٛز باضٲبطہٕ تجویز چھےٚ 2023 پیٹھٕ محکمہٕ مالیاتَس منٛز زیر التوا ، اَتھ معاملَس پٮ۪ٹھ بار بار مطالبہٕ کرنہٕ باوجوٗد چُھنہٕ کانٛہہ تہِ فٲصلہٕ نِنہٕ یِوان۔