أسۍ  دِیاووجموں و کشمیرُک رِیاستی درجہٕ واپس: ایم ایل اے ریاض احمد خان۔

جموں و کشمیرَس منٛز قومی کانفرنسٕکۍ سینئر رہنُما تہٕ شانگس اننت ناگ مشرقٕکۍ ایم ایل اے ایڈووکیٹ ریاض احمد خانَن ووٚن سٲبقہٕ حکوٗمتَس تہٕ پی ڈی پی یَس پٮ۪ٹھ سخت تنقید کران زِ پٔتِمہِ حکومتُک اوس نہٕ کانٛہہ واضح سیٲسی ایجنڈا تہٕ أمۍ سٕنٛزِ پالیسیَو چھُ جموں و کشمیر تبٲہی ہٕنٛدِس دہانس پٮ۪ٹھ واتنوومُت۔ ریاض احمد خانَن ووٚن زِ جموں و کشمیرٕچ موجودٕ صورتحالٕچ  چھےٚسٲبِقہٕ پی ڈی پی حکومت چھِ ذِمہٕ وار۔ تٔمہِ سندِ مُطٲبِق آیہِ پی ڈی پی کِس دورَس منٛز یِم فٲصلہٕ تہٕ کاروٲیی کرنہٕ یِمو سۭتۍ جموں و کشمیرٕچ خصوٗصی ٲییٖنی حیثیتَس نقصان ووت۔ تٔمۍ دِیُت  اِلزام زِ پی ڈی پی یَس پَزِ آرٹیکل 370 تہٕ آرٹیکل 35-اے منسوخ کرنٕچ تہٕ جموں و کشمیرَس منٛز ریاستُک درجہٕ ختم کرنٕچ ذمہٕ دٲری قبوٗل کرٕنۍ۔