جوٚمَس منٛز أکِس پُلیٖس چوکہِ اندر نوجوان ہلاک، عیالَن  دِیُت شٔدیٖد  تشدُد کرنُک الزام۔

جٔمہِ ضِلعہٕ کِس چکروی پُلیٖس چوکہِ پٮ۪ٹھ 32 ؤہرِس اُتم چند  سٕنٛدۍ موتَن چھُ اکھ نوٚو  رۅخ اختیار کوٚرمُت۔ متوفی سٕنٛزِ ماجہِ  دِیُت الزام زِ پُلسہٕ اَفسرَو کوٚر أمۍ سٕنٛزِموجوٗدگی منٛز  تسٕنٛدِس  نیٚچوِس  پٮ۪ٹٹھ مبینہ طور بے دردی سان تشدُد۔ تٔمۍ کوٚر دعویٰ زِ اُتم چندَس آو أمِس برٛونٛہہ کنہِ پُلیٖس چوکہِ پٮ۪ٹھ مار دِنہٕ، ییٚمہِ پتہٕ أمۍ سٕنٛز حالت خراب گٔیہِ تہٕ سُہ گوٚو بے ہوش۔ 

پتہٕ آو سُہ ہسپتال نِنہٕ، ییٚتہِ ڈاکٹرو سُہ موٗدمُت قرار دِیُت۔ امہِ واقعہٕ پتہٕ کٔر خاندان کٮ۪و نَفرَو تہٕ مقٲمی لوٗکَو احتجاج تہٕ دِیُتُکھ پُلسس پیٹھ حراستَس منٛز تشدد کرنُک الزام تہٕ  کوٚرُکھ غٲر جانبدارانہٕ تحقیقاتُک مُطالبہٕ تہِ۔ مُظٲہِرینو کٔر اکھ خصوٗصی تحقیقاتی ٹیم بناونٕچ ، پوسٹ مارٹم ویڈیوگرافی تہٕ مُتٲثِر عیالَس معاوضہٕ دِنٕچ  تہِ منٛگ۔