اننت ناگ گامَس منٛز  ہاپت حملَس منٛز 65 وُہُر شخٕص زخمی

از گوٚو جنوٗبی کٔشیٖرِ ہٕنٛدِس اننت ناگ ضِلعَس منٛز گوٚو أکِس جنٛگلی  ہاپتہٕ سٕنٛدِ حملہٕ سۭتۍ اکھ 65 وُہُر شخٕص زخمی۔ حکامَو ووٚن زِ چوگامٕک حبیب اللہ مگرے سٕنٛدِس نیچوِس غلام حسن مٲگرے یَس پٮ۪ٹھ یُس تقریباً 65 وُہُر  چُھ شانگُس علاقَس منٛز أمۍ سٕنٛدِس گامَس نزدیٖک أکۍ جنگلی  ہاپتن حملہٕ۔ مقٲمی لوٗکَو ووٚن زِ مٲگرے اوس نٮ۪برٕ کنہِ  ییٚلہِ  ہاپُت اچانک نمودار گوٚو تہٕ کوٚرُن أمِس پٮ۪ٹھ حملہٕ، ییٚمہِ سۭتۍ سُہ زخمی گوٚو۔ واقعہٕ پتہٕ  آے نزدیٖکی لُکھ مددتہٕ خٲطرٕ  نِیُوکھ سُہ علاج باپتھ سب ڈِسٹرکٹ ہسپتال (ایس ڈی ایچ) شانگس تہٕ وننہٕ چھُ یِوان زِ تٔمۍ سٕنٛز حالت چھےٚٹھیٖک۔ أتھۍ دوران چھُ بسکیٖنَو محکمہٕ جنگلی حیاتَس ووٚنمُت زِ سُہ تُلِن علاقَس منٛز یِتھۍ واقعہٕ رُکاونہٕ خٲطرٕ اقدامات۔