لداخ جمٲژ  ہٕنٛز مُطالبات پوٗرٕ نہ کرنہٕ یِنس پٮ۪ٹھ  بٔڑِس پیمانَس پٮ۪ٹھ احتِجاج تہٕ  پایدل مارچٕچ دھمکی۔ 

لداخ چو مُختٔلِف جمٲژَو  چھےٚ مرکٔزی حکوٗمتَس پنٕنۍ اہم مُطالبات (یِمَن پٮ۪ٹھ سمجھوتہ یِیہِ نہٕ) قبوٗل کرنہٕ خٲطرٕ اَکہِ ہفتٕچ ڈیڈ لائن دِژمٕژ۔ تِمَن ہُنٛد ونُن چھُ زِ اگر نہٕ یِم مطالبات پورٕ کرنہٕ یِن تیٚلہِ گژھن تِم 19 ستمبر پٮ۪ٹھ مركزی زیر انتظام علاقَس منٛز اکھ نٔو تحریٖک شُروٗع کرنس پٮ۪ٹھ مجبوٗر ۔ یہِ پیش رفت آیہِ وزارت داخلہ تہٕ لداخ گروپَن درمیان کُنہِ نتیجہٕ ورٲے کتھ باتھ ختم گژھنہٕ پتہٕ اکہِ دۄہۍ پتہٕ برونٛہہ کُن۔ کتھ باتھ گٔیہِ ‘بےٚ اثر’ ثٲبِت تہٕ لداخۍ تنظیمو کوٚر یہِ فٲصلہٕ زِ اگر مرکزی زیر انتظام علاقس منٛز کانٛہہ تہِ منتخب اِدارٕ بناونہٕ برٛونٛہہ ‘ناقابل واپسی تنظیم نو’ شروع  ییہِ کرنہٕ، تِم کرَن تیٚلہِ احتجاج  تہٕ پایدل مارچ شُروٗع۔