بڈگام: چاڈوراہس منٛز گٔیہٕ جنگلی جانورن ہٕنٛدس حملس منٛز  16 تیٖر مارٕہ۔ غریبن ہٕنٛز روزی روٹی مُتٲثِر، امدادٕچ فوری اپیل۔

مرکٔزی کٔشیٖرِ ہٕنٛدِس بُڈگام ضِلعہٕ کِس چاڈورہ علاقہٕ پٮ۪ٹھہٕ چھُ اِنسٲنی تہٕ جنگلی زُو ذٲژن ہُنٛد اکھ سٮ۪ٹھاہ افسوسناک  واقعہ برونہہ کُن آمُت، ییٚتہِ راتھ راتس درمِیان نصف رٲژ أکِس خوفناک جنگلی جانوَرن تباہی مچٲوِتھ أکِس مقٲمی زٔمیٖن دار سٕنٛدِ 16  تیٖر ہلاک تہٕ باقٕی 17 شٔدیٖد زخمی کٔرۍ۔ اَمہِ واقعہٕ سۭتۍ چھُ سٲرِسٕے علاقَس منٛز خوفُک تہٕ افراتفری ہُنٛد ماحول پٲدٕ گوٚمُت۔ مُقٲمی ذرایعو مُطٲبِق گوٚو یہِ دِل پھُٹراون وول واقعہٕ چاڈورا کِس بڈی پورہ گامَس منٛز ۔ وننہٕ چھُ یِوان زِ رٲژ  ہُنٛد فٲیدٕ تُلِتھ گوٚواکھ خوفناک جنگلی جانو ر یُس سٕہہ آسنُک شَک چھُ زبردستی چارواین ہٕنٛدِس  گانس  منٛز دٲخل۔ أمۍ کوٚر اچانک تہٕ بے دردی سان شیڈس اندر  تیٖر کھیٚلِس  پیٹھ حملہٕ تہٕ کٔرِنۍ16  تیٖر ہلاک تہٕ باقٕی 17 شٔدیٖد زخمی۔