پُلیٖس حراستَس منٛز اُتم چند سٕنٛدِ موتُک مبینہ معاملہٕ، 2 پُلسہٕ اَفسر معطل ۔
آر ایس پوٗرہ کِس روکھ چکروری علاقَس منٛز چھےٚ اُتم چند سٕنٛدِ مرنہٕ کِس معاملَس منٛز پُلسہٕ محکمَن کاروٲیی شروع کران فوری طور زٕ پُلسہٕ اَفسَر معطل کٔرمٕتۍ ۔ دۄشوے افسر روزن تفتیش پوٗرٕ گژھنَس تام معطل ۔ ضِلعہٕ پُلیٖس ہیڈ کوارٹر جٔمہِ کہِ طرفہٕ جٲری کَرنہٕ آمٕتِس حُکمَس مُطٲبِق آیہِ یہِ کاروٲیی آر ایس پوٗرہ پُلسہٕ تھانس منٛز درٕج کرنہٕ آمٕتہِ ڈی ڈی آر نمبر 35 مورخہ 9 ستمبر 2026 مُتعلِق کرنہٕ۔ حُکمَس مُطٲبِق چھِ بی پی پی چکرُوری ہُنٛد انچارج پی ایس آی وِکرم چودھری تہٕ بیلٹ نمبر 1650/جے کانسٹیبل رنکو کُمار فوری طور معطل کرنہٕ آمٕتۍ۔ دۄشوٕنی افسرَن چھُ ڈی پی ایل جموں رپورٹ کرنُک تہٕ پنٕنۍ وردی تہٕ باقٕے مُتعلقہٕ سامان حوالہٕ کرنٕچ ہدایت دِنہٕ آمٕژ۔ اَمہِ معاملٕچ محکمہٕ انکوائری چھِ ایس پی رورل جوٚمَس دِنہٕ آمٕژ، یٔمِس چھُ انکوائری پوٗرٕ کرنٕچ تہٕ جلد از جلد رپورٹ پیش کرنٕچ ہدایت دِنہٕ آمٕژ۔ یہ محکمہٕ انکوائری چھُ ڈی ای نمبر 76/2026 الاٹ کرنہٕ آمُت۔