اننت ناگَس منٛز 860 چُھ  مِلیَن  قٍمتُک250 بسترن ہُنٛد میٹرنٹی ہسپتالُک پروجیکٹ ُ رُکاونہٕ آمُت،شیر باغُک موٗجوٗدٕ میٹرنٹی ہسپتال چھُ أکِس سٮ۪ٹھاہ ژیلِتھ علاقَس منٛز أکِس خستہٕ حال عمارتَس منٛز کٲم کران۔ 

اننت ناگ کِس منڈی علاقَس منٛز تجویز شُدٕ 250 بسترن ہُنٛد میٹرنٹی ہسپتال (ایم سی سی ایچ) چھُنہٕ وُنیُک تام تعمیٖرٲتی مرحلَس منٛز دٲخٕل گوٚمُت، اَمہِ باوجوٗد زِ حکوٗمتَن آسہٕ ییٚمہِ ؤرۍ یہِ کِس بجٹ اجلاسَس منٛز امہِ باپتھ   860 لَچھ رۄپیہِ مختص کٔرمٕژ۔ مُقٲمی بسکیٖنَو چھُ تشویشُک اِظہار کوٚرمُت تہٕ مُطالبہٕ کوٚرمُت زِ حکوٗمتَس کٔرِن جلدٕی اتھ منصوبَس پٮ۪ٹھ اصلی کٲم شُروٗع۔ 

شیر باغُک موٗجوٗدٕ میٹرنٹی ہسپتال چھُ أکِس گٔنہِ آبادی وٲلِس علاقس منٛز أکِس واریاہ پرٛانہِ عمارژمنٛز کٲم کران۔ یہِ عمارت ٲس امہِ برٛونٛہہ فائر اینڈ ایمرجنسی سروسز ڈیپارٹمنٹَن  غٲر محفوظ قرار دِژمٕژ۔ محدود جاے تہٕ بٔڑِس تعدادَس منٛز مریضَن ہٕنٛدِ وجہہ سۭتۍ  چھےٚ ہسپتالَس  منٛز مریضَن باپتھ بُنیٲدی سٔہوٗلِیاتَن تہٕ جایہِ ہِنٛز سٮ۪ٹھاہ کٔمی ۔ 

 ییٚمہِ ؤریہِ کِس مارچ بجٹ اجلاسَس منٛز اوس وزیر اعلیٰ عمر عبداللہ ہَن اننت ناگَس منٛز 250 بسترن ہُنٛد نوٚو میٹرنٹی ہسپتال بناونہٕ خٲطرٕ 860 ملین رۄپیہِ مختص کرنُک اعلان کوٚرمُت یُس پروجیکٹ وۅنۍ رُکاونہٕ آمُت چُھ۔