لداخ حکوٗمتَن کوٚر پٔتمہِ ؤر یہِ مرن والٮ۪ن ہِنٛدٮ۪ن عیالَن خٲطرٕ مٲلی اِمدادُک اعلان۔

لداخ یونین ٹیریٹری اِنتِظامیہَن کوٚر از پٔتمہِ ؤریہِ ریاستہٕ بناونہٕ کِس مُطالبہٕ کِس احتجاجَس دوران مارٕ گَژھن والٮ۪ن ژورَن نفرَن ہِنٛدٮ۪ن عیالَن خٲطرٕ 15 لَچھ رۄپیہِ معاوضہٕ دِنُک اعلان۔ 

لداخٕکۍ لیفٹیننٹ گورنر رادھا کرشنا ماتھرَن ووٚن زِ پٔتمہِ ؤر یہِ 24 ستمبر لداخَس منٛز افسوسناک تشددٕ سۭتۍ مُتٲثِر خاندانَن ہُنٛد مددٕ کرنُک وعدٕ پوٗرٕ کٔرِتھ چھُ از تِمو ژۄن مرن والٮ۪ن ہِنٛدٮ۪ن عیالَن خٲطرٕ 15 ۔15لَچھ رۅپین  ہٕنٛدِس معاوضس منظوٗری دِژمٕژ۔ 

ماتھرَن ووٚن زِ شٔدیٖد زخمیَن باپتھ چھُ 300,000 رۄپیہِ تہٕ نابالغ زخمیَن باپتھ 100,000 رۄپیس تہِ منظوٗری دِنہٕ آمٕژ’۔ تٔمۍ کوٚر وزیر داخلہ امیت شاہ سُنٛد حساس ، انسٲنی تہٕ رہنُمٲیی  ہٕنٛدِس طریقس خٲطرٕ تہٕ متٲثرین تہٕ تِہنٛدٮ۪ن عیالَن سۭتۍ یکجہتی خٲطرٕ  تِمن دِلہٕ سان شُکریہ ۔ 

ماتھرَن ووٚن زِ حالانٛکہِ کانٛہہ تہِ معاوضہٕ ہیٚکہِ نہٕ  زُوُک معاوضہ پوٗرٕ کٔرِتھ، مگر لداخ انتظامیہ چھُ پرٮ۪تھ مُتٲثِر خاندانَس سۭتۍ پوٗرٕ پٲٹھۍ کھڑا تاکہ تِمن یِیہِ غمَس سۭتۍ مقابلہٕ کرنَس تہٕ عام زِنٛدگی منٛز واپس یِنَس منٛز مدد کرنہٕ۔