جموں و کشمیر بینک ہمہامہ برانچَن کٔر گراہکَن ہٕنٛدۍ رِشتہٕ مضبوٗط بناونہٕ خٲطرٕ میگا کسٹمر میٹٕچ میزبٲنی، گراہکَن ہُنٛدملاقات  چُھ بینکَس تہٕ پننٮ۪ن خٔریٖدارن درمیان بھروسہٕ پٲدٕ کرنہٕ خٲطرٕ اَہَم: شیخ ناظمہ

جموں و کشمیر بینک چہِ ہمہامہ برانچَن کٔر ہوٹل کراؤن پرنسَس منٛز اکھ میگا کسٹمر میٹنگ، یَتھ منٛز واریاہ قۭمتی خٔریٖدار تہٕ بینکُک عملہٕ یکجا سپٕدۍ۔ یِمَن ہُنٛد مقصد گراہکَن  ہُنٛدرِشتہٕ بَڑاوُن، تِہٕنٛدۍ خدشات سمجھٕنۍ تہٕ بینکس تہٕ اَمہِ کٮ۪ن خٔریٖدارن درمیان زیادٕ بھروسہٕ پٲدٕ کرُن اوس۔

اَتھ تقریبہِ منٛز کٔر بڈگامِکۍ زونل سربراہ تہٕ کلسٹر ہیڈ، ہمہامہ برانچ اہلکارتہٕ عملن شرکت۔ واریاہ اَہَم بینکٕکۍ خٔریٖدار تہٕ کھاتہٕ دار تہِ سپٕدۍ  اتھ  میگا کسٹمر میٹنگ منٛز شٲمِل تہٕ  دِ ژکھ بینکنگ خٔدمَتَن مُتعلِق پنٕنۍ تجرُبہٕ، راے تہٕ تجویٖزٕ ۔

تقریبہِ منٛز تقریر کران ووٚن برانچ منیجر شیخ ناظمہَن زِ یِم گراہکَن ہٕنٛدۍملاقات چھِ باہمی تعلقات مضبوٗط بناونَس منٛز بوٚڈ  تہٕ اہم کردار ادا کران۔