جوٚم: گریٹر کیلاش چوکہِ پٮ۪ٹھ پولیس کاروٲئی، بسہِ منٛزٕ ملاوٹ شدہ ژامنہِ ہٕنٛدۍ 20 بیگ برآمد۔
جموں پولیسَن کوٚرعوٲمی صحت کہِ حِفاظتہٕ خٲطرٕ گریٹر کیلاش چوکہِ پٮ۪ٹھ اکھ آپریشن تہٕ أکِس مسافر بسہِ منٛزٕ کٔرٕکھ شَک آوَر ملاوٹ ژامنہِ ہٕنٛدۍ20 بیگ برآمد ۔
پُلسہٕ ترجمانَن مُطٲبِق آیہِ 13 تہٕ 14 ستمبرَس درمِیان رٲژ اکھ بس (نمبر JK02CE-4300) رُکاونہٕ تہٕ پُلیٖس تھانہٕ گنٛگیال کِس دٲیرٕ اختیارس تحت گریٹر کیلاش چوکہِ پٮ۪ٹھ تلٲشی کرنہٕ۔ تلٲشی دوران آے گاڑِ منٛزٕ 20 بیگ برآمد ک کرنہٕ یِمَن منٛز ملاوٹ شُدٕ ژامن شٲمِل ٲس۔
ترجمانَن ووٚن بیٚیہِ زِ امہ معاملُک آو فوری طور فوڈ سیفٹی ڈیپارٹمنٹَس (فوڈ اینڈ کنزیومر پروٹیکشن) اطلاع دِنہٕ، ییٚمہِ پتہٕ مُتعلقہٕ افسر وٲتۍ پُلیٖس تھانہٕ گنٛگیال تہٕ کٔرٕکھ تفتیش شُروٗع۔ برآمد کرنہٕ آمٕژ ژامن چھےٚ باضٲبطہٕ طور فوڈ سیفٹی حکامَن حوالہٕ کرنہٕ آمٕژ، ییٚتہِ لیبارٹری ٹیسٹنگہٕ خٲطرٕ نمونہٕ چھِ نِنہٕ یِوان تہٕ قونوٗنہٕ مُطٲبِق چھِ مزید کاروٲیی یِوان کرنہٕ۔
جموں پُلسہٕ مُطٲبِق چھِ اَتھ معاملَس منٛز مُتعلقہٕ محکمہٕ طرفہٕ مُقرر قونوٗنی ضٲبطَن تحت مزید کاروٲیی کرنہٕ یِوان۔