اگر بی جے پی پارٹی نِش نمبر چھِ  تیٚلہِ پزِ  تِمن  پارلیمنٹَس منٛز یو سی سی بل پیش کرٕنۍ: وزیر اعلیٰ عمر عبداللہ

جموں و کشمیرٕکۍ ؤزیٖرِ اعلیٰ عمر عبداللہ ہَن ووٚن اززِ انفرٲدی رِیاستَو ذٔریعہٕ یکساں سول کوڈ برونہہ پکناونہٕ بجایہِ اگر بی جے پی ن پارٹی نِش بل پاس کرنہٕ خٲطرٕ نمبر چھِ، تیٚلہِ پَزِ تِمن یہِ پارلیمنٹَس منٛز انُن۔

سرینگرَس منٛز پرٛژار ؤسیٖلن سۭتۍ کتھ کران ووٚن تِمو زِ”اگر تۄہہِ نِش نمبر چھِ، تیٚلہِ أنِو یہِ پارلیمنٹَس منٛز۔ ت توٚہۍ کیازِ چھِو یہِ انفرٲدی ریاستو ذٔریعہٕ کران؟ کُنہِ تہِ صوٗرتس منٛز، چھُنہٕ پننِس این ڈی اے یَس منٛز پرٛٮ۪تھ  کٲنٛسہِ اَتھ سۭتۍ اتفاق۔”  تِمو ووٚن  زِ بی جے پی پاڑٹی پَزِ نہٕ یوٗ سی سی "پٔتمہِ دروازٕ” کِنۍ اَنُن۔یِتھ کٔنۍ تِہٕنٛدۍ پنٕنۍ اتحادی چھِنہٕ اتھ حقَس منٛز، مےٚ چھُنہٕ باسان زِ تِم ہٮ۪کَن یہِ پارلیمنٹَس منٛز منظوٗر کٔرِتھ ۔تِمو ووٚن زِ یوٗ سی سی ہیٚکہِ نہٕ پوٗرٕ ہندوستانَس خٲطرٕ ٲسِتھ اگر یہِ صرف بی جے پی پارٹی پاس کرُن آسہِ۔