این سی حُکُمرٲنی آسہِ جموں و کشمیرَس منٛز آبادیٲتی تبدیٖلی  ہٕنٛدۍ ذِمہٕ دار :الطاف بخاری

صدر ایس ایم الطاف بخاری یَن ووٚن آتھٕوارِ دۄہ زِ اگر جموں و کشمیر کِس آبادیٲتی ڈھانٛچس منٛز کانٛہہ تبدیلی  سپدِ تیٚلہِ گَ تیٚلہِ یِیہِ این سی حُکُمرٲنی  امِچ ذمہٕ دار قرار دِنہٕ۔ تٔمۍ دِیُت زور زِ یِژھہِ کانٛہہ تہِ کوٗشِش رُکاوٕنۍ چھےٚ حکوٗمتٕچ ذمہٕ وٲری۔ 

بُخاری یَن پُرٛژھ زِ  وزیر اعلیٰ عمر عبداللہ ہس”کٔمۍ دِیُت ممبئیہِ پٮ۪ٹھٕ مسٹر چولا ہَس چترگم حضرت بُلَس منٛز 150 کنال زمین حٲصِل کرنہٕ خٲطرٕ ہوٹل تہٕ دِلہِ منٛز قٲیِم کمپنی خٲطرٕ سعیدپورہَس منٛز زمین ہٮ۪نُک اجازت۔ جموں و کشمیرٕکۍ موجودٕ ڈومیسائل قونوٗن چھِنہٕ یِژھن سرگرمیَن ہُنٛد اِجازت دِوان”۔ 

بُخاری یَن کوٚر یہِ تبصرٕ سرینگر کِس چھا نہٕ پورہ حلقہٕ کِس نٔٹی پورہس منٛز أکِس عوٲمی اجتماعس تقریر  کٔرِتھ۔ اَمہِ موقعَس پٮ۪ٹھ دِیُت تٔمۍ وزیر اعظمس زور زِ سُہ کٔرِن جموں و کشمیر کٮ۪ن لوٗکَن سۭتۍ تِہنٛدِ مسلہٕ تہٕ شِکایتَن حل کرنہٕ خٲطرٕ براہ راست کَتھ باتھ شُروٗع۔ 

تٔمۍ ووٚن زِ "یوٚتام نہٕ مرکزَس تہٕ لوٗکَن خاص پٲٹھۍ جموں و کشمیر کٮ۪ن نوجوانَن درمِیان براہِ راست رٲبطہٕ گژھہِ، بَروسٕچ کٔمی گژھِ نہٕ ختٕم۔