ریاستی حیثیت دِنہٕ کِس قراردادس پٮ۪ٹھ اسمبلی منٛز زبردست ہنگامہٕ، ژور بی جے پی تہٕ زٕ کانگریسٕکۍارکان ایوان بدٕر۔

از آےژور رُکُن جموں و کشمیر قونوٗن ساز اسمبلی منٛزٕ کڑنہٕ ییٚلہِ بی جے پی رُکنَو وزیر اعلیٰ عمر عبداللہ سٕنٛدِ تجویٖز کٔرمٕژِریاستی درجہٕ بحٲلی ہٕنٛزِ قراردادٕچ مخالفت کٔرِتھ ہنگامہٕ پٲدٕ کوٚر۔

سپیکر عبدالرحیم راتھرَن تھٲو کاروٲیی جٲری، مگر بی جے پی رُکنو کوٚر ایوانَس منٛزباگ اکھ ‘فرضی اجلاس’ شروٗع، یہِ وارننگ دِنہٕ پتہٕ تہِ زِ ایوانٕچ کاروٲیی منٛز خلل تراونہٕ سۭتۍ گژھِ کاروٲیی متٲثر۔

ہنگامس دوران دِتۍحزب اِختلافٕکۍ رہنُما سنیل شرماَن نعرٕہ: ‘دوکھٕ دِنہٕ وول وزیر اعلیٰ، کُرسی ترٛاو، کُرسی ترٛاو’۔ نیشنل کانفرنسٕکۍ (این سی) رُکنَو کوٚر اَتھ پٮ۪ٹھ ردعملُک اظہار، ییٚمہِ کِنۍ حزب اِختلاف تہٕ سرکٲرِ بینچَن درمیان نعرٕ ہ بٲزی سپٕز۔ کانٛگرٛیس رُکنَو کٔر بی جے پی کِس قیادتس منٛز مرکٔزی حکوٗمتَس خٕلاف تہِ نعرہٕ بٲزِی، یِمَن منٛز ‘ووٹ ژوٗر، سیٹہٕ ترٲوِو’ نعرٕہ تہِ شٲمِل ٲسۍ۔