جوٚم انکاؤنٹر: سندربنی سیکٹرَس منٛز چُھ تلاشی آپریشن جٲری۔

جموں کِس اکھنور کِس سندربنی سیکٹرَس منٛز چھپِتھ دہشت گردَن ہُنٛد پتہ لگاونہٕ خٲطرٕ چھُ بۄموارِ دۄہ لگاتار دوٚیمہِ دۄہ بٔڑِس پیمانَس پٮ۪ٹھ آپریشن جٲری۔
دہشت گردَو کٔر ژٔنٛدٕروارِ دۄہ صُبحٲے اکھنوٗر کِس سندربنی سیکٹر کِس بٹالکاری جوگن علاقَس منٛز لائن آف کنٹرول (ایل او سی) سۭتۍ أکِس فوجی ایمبولینسَس پٮ۪ٹھ گولہِ چلٲوِتھ، ییٚمہِ پتہٕ سیکورٹی فورسَو علاقَس گیرٕ بٔنٛدی کٔرِتھ تلاشی مہم شُروٗع کٔر۔
ذٔرایعو ووٚن زِ حِفاظتی فوجن کٔر بۄموارِ دۄہ صُبحٲے علاقَس منٛز تلاشی کاروٲیی
تٔمۍ ووٚن زِ سیکورٹی فورس چھِ گۄڈٕنِچہِ لَٹہِ آپریشنَس دوران جدید ترین ٹینکَن ہُنٛد استعمال کران۔
فوجٕچ وائٹ نائٹ کورَن ووٚن ژندر وارِ دۄہ ‘ایکس’ کِس أکِس پوسٹَس منٛز زِ جموں کِس اکھنوٗرَس منٛز سیکورٹی فورسَن سۭتۍ مُقابلَس منٛز گوٚو اکھ نامعلوم دہشت گرد ہلاک تہٕ أمۍ سٕنٛدِ قبضہٕ پٮ۪ٹھ آو بٔڑِس مقدارَس منٛز ہتھیار، گولہ بارود تہٕ مجرمُک سامان برآمد کرنہٕ۔ ‘