بانڈی پورِس منٛز سیکورٹی فورسَن تہٕ ملی ٹنٹن درمِیان گولیٚن ہُنٛد مقابلہٕ ۔

شُمٲلی بانڈی پورہ ضلعہٕ کِس أکِس جنگلی علاقَس منٛز گٔیہِ سیکورٹی فورسَن تہٕ دہشت گردَن درمِیان فائرنگ ہُنٛد تبادلہٕ۔
یہِ چھُ معلوم گوٚومُت زِ سیکورٹی فورسَو چھِ أکِس بٔڑِس جنٛگلٲتی علاقَس گیرٕ بٔنٛدی کٔرمٕژ تہٕ ژلنٕچ تمام وَتہٕ تعیِنات کٔرمٕژ۔
خبرو مُطٲبِق کٔر سیکورٹی فورسَن بانڈی پورہ کِس جنٛگلی علاقَس منٛز دہشت گردَن ہٕنٛز موٗجوٗدٕگی ہٕنٛز اطلاع مِلنہٕ پتہٕ تلاشی مہم شروع۔
ذٔرایعو مُطٲبِق ییٚلہِ حِفاظتی دستہٕ كہِ اہلکار مشتبہ جایہِ نزدیٖک وٲتہِ ، تتہِ موجود دہشت گردن کٔر گولہِ چلاوٕنہِ شُروٗع، اَمی مۄکھٕ کٔر حِفاظتی عملن تہِ جوابی کارروائی شُروٗع، یَتھ دوران واریٛاہ کالَس تام زٕ گولہِ ہُنٛد تبادلہٕ شُروٗع گوٚو۔
ذٔرایعو ووٚن زِ حِفاظتی فوجن ہِنٛدِ طرفہٕ جوابی فائرنگ منٛز گوٚو اکھ دہشت گرد مارنہٕ، مگر پُلیٖسن کٔر نہٕ اَمِچ تصدیٖق۔
پُلیٖس ذٔرایعو مُطٲبِق چھِ علاقَس منٛز عسکریت پسندی خٕلاف آپریشن جٲری۔
اَتھ مُتعلِق چھِ مزیٖد تفصیٖلَن ہُنٛد انتظار