منوج سنہاہَن کوٚر شاردا سنہا سٕنٛدِس مرنَس پٮ۪ٹھ تعزیت۔

جموں و کشمیرٕک لیفٹیننٹ گورنر منوج سنہاہَن چھُ مشہوٗر لُکہٕ گُلوکار شاردا سنہا سٕنٛدِس مرنَس پٮ۪ٹھ تعزیت کوٚرمُت۔
تٔمۍ ووٚن زِ شاردا سنہا سُنٛد مرُن چھُ موسیٖقی ہِنٛدِس دُنیاہَس خٲطرٕ اکھ ناقابل تلافی نۄقصان۔
سركردٕ گُلوکار شاردا سنہا گُزریٛوو بۄموارِ دۄہ رٲژ دِلہِ ہِنٛدِس ایمس ہسپتالس منٛز 72 ؤری وٲنٛسہِ منٛز۔
پننِس مرنَس پٮ۪ٹھ دۄکھُک اِظہار کران ووٚن منوج سنہاہن ‘ایکس’ پٮ۪ٹھ أکِس پوسٹَس منٛز: "بِہارٕچ مشہوٗر لوک گُلوکار شاردا سنہا جی سُنٛد گُزرُن چھُ انتہٲئی افسوسناک تہٕ موسیٖقی ہِنٛدِس دُنیاہَس خٲطرٕ اکھ ناقابل تلافی نۄقصان۔”
تٔمۍ ووٚن زِ "لُکہٕ بٲتن تہٕ لُکہٕ ثقافت کِس تحفظس منٛز آسہِ تِہُنٛد حصہٕ ناقابل فراموش”۔
لیفٹیننٹ گورنرَن ووٚن زِ "بہٕ چھُس دۄکھٕ کِس یَتھ وقتس منٛز أمۍ سٕنٛدِس عیالَس تہٕ مداحَن سۭتۍ تعزیت پیش کران”۔