اسمبلی چھےٚ آرٹیکل 370 چہِ بحٲلی مُتعلِق قرارداد منظور کٔرِتھ پنٕنۍ کٲم کٔرمٕژ: عمر عبداللہ

جموں و کشمیرٕکۍ وزیر اعلیٰ عمر عبداللہَن ووٚن زِ اسمبلی چھِ آرٹیکل 370 چہِ بحٲلی پٮ۪ٹھ اکھ قرارداد منظور کٔرِتھ پنٕنۍ کٲم کٔرمٕژ۔
بۄدوارِ دۄہ جموں و کشمیر اسمبلی کِس ترٛیٚیِمہِ دۄہ کوٚر نٲیِب ؤزیٖرِ اعلیٰ سُریندر چودھریَن آرٹیکل 370 بحال کرنہٕ خٲطرٕ اکھ قرارداد پیش، یُس اسمبلی منٛز اکثریتی ووٹہٕ سۭتۍ منظوٗر کرنہٕ آو۔
ییٚلہِ قراردادٕچ منظوٗری مُتعلِق پرژھنہٕ آو ، عمر عبداللہَن ووٚن میڈیاہَس زِ "اسمبلی چھِ پنٕنۍ کٲم کٔرمٕژ۔
أتھہِ دوران کوٚر بی جے پی رہنُماہن اسمبلی منٛز آرٹیکل 370 بحال کرنٕچہِ قراردادَس خٕلاف سخت احتجاج درٕج تہٕ دِیُتُن یہِ اکھ قوم مخالف ایجنڈا قرار۔
تٔمۍ ووٚن زِ "یہِ چھُ اکھ قوم مخالف ایجنڈٕ، أسۍ چھِ یہِ قرارداد رَد کران”